Bruk raong ini hu 2 boh sang hu mbaok tame rong 600 drei pajaih. Hadei di jiak 2 bilan rong, yaok drei praong meng 1,7 - 2 kg. Ong Lý Thanh Phụng (palei Thiện Bình), urang hu mbaok tame bruk ni brei thau: Thiện Nghiệp lac  xã  hu rilo mbon, ceik, thu lagu. Tuk vak rong da tasik tui jalan rong kreik di angaok thu, ngak danao ia taba meng blah  bạt ni lông; 3 harei plaih ia sa mbang, mboh nyu praong siam dalam ia taba song rong kreik angaok thu, khat lihik takik, tagok kilo samar. Da meda mbang pandap mbang công nghiệp, tangei song njam hajao. 

Tui kapul urang nong xã Thiện Nghiệp, yaom anek pajaih  19.000 đồng/drei , hadei di  3  bilan raong, yaok drei trak labaih  2,4 kg. Tui yaom urang mai blei urak ni  meng  150.000 - 170.000 đồng/drei, tui nan, yaok kg lac meng  60.000 - 70.000 đồng. Tui kuhria mboh, rong da tasik piah pablei tui jalan sinh học lac mbuan rong, ba bruk ngak tuk salah bruk ngak nong saong patagok jien mek tame ka baoh sang.

Hu thau, da tasik raong hu siam di ia taba, ia mbak, ia njom likhun… Da diuk hu rilo, labaih 95%. Dut song dom pajaih da karei gam raong dalam sa tukvak yau gauk, da tasik tagok kilo samar jang labaih  10%, meda mbang dom janih pandap mbang yau ikan tạp, akaok hadang, njam pataam, phun patei … piah patrun phun jien. Da tasik  dok hu pren pacang ruak glong.

Min, da tasik lac pajaih da bahrau, pabak ka bruk rong glang lagaih song biến đổi khí hậu di gah merong. Urak ni, rilo tỉnh dok ngak iek bruk ngak ni, min darak pasa pablei da tasik jeng dok kan kandah, oh ka tani tanat yaom kaom. Piah plaih yaom pablei beir atau pablei oh hu, langiu di bruk ngak iek, Bình Thuận brei hu quy hoạch bhum piah plaih rong rilo, pambuak song bruk  pablei da./.