Bilan hè, lingik pandiak dui atah saong  nhiệt độ gah lingiu bhian glaong meng 31 – 39 độ C, hu tuk hu libik tagok tal labaih 40 độ C. Lingik pandiak ngak kan kandah praong tal raong glang athur, menuk ada. Piah patakik khat lihik kayua pandiak bhang ngak jhak tal athur raong, menuk ada, urang raong njauk thau jalan pasang iek kaya raong saong pacang caga pandiak brei kaya raong hu siam lagaih. Kadha urang ngak hamu caong thau harei ini likau khan tal mikva saong grauk yut dom jalan pacang pandiak brei kaya raong dalam bilan pandiak.

Alamu pacang caga pandiak ka athur raong

  Dahlau di abih, mikva njauk caik hatai, var raong njauk kỹ thuật, pandar vật liệu pacang pandiak, cách nhiệt siam meda trun takik pandiak mbang tame ngak pandiak tagok kaya raong, tabhia nan abih takik jien dalam raong glang. Mikva njauk pilih ruah libik glaong, mbuan si tathuak ia, mbuan si ngak hacih, libik hu phun hijao pacang halui, pilih ruah gah Đông Nam lac siam di abih; plaih angin Đông Bắc saong ia harei pasang tapak tame var raong. Meyah oh ruah hu gah ngak var raong siam njauk hu dom jalan pacang hajan, pandiak siam lagaih.

-Pandap piah padang ngak var raong: tui kadung jien saong tui vật liệu hu di palei tuk ngak var raong meda pandar dom janih hala phun ye: hala cọ, hala li-u, hala tabau, pông…atau dom janih vật liệu cách nhiệt yau tôn la-ar piah tak tabung var raong. Meng sàn var tal tabung, glaong takik abih lac 2,7m piah hu laneng lahei. Ngan saong var raong klak, bair njauk peih praong piah paglaong var glaong dalhau di bilan pandiak bhang.

Mikva meda pala phun sro atau halăm pacang pandiak me-om tagok tabung var raong.

-Pacang halui meng phun sro lac jalan ngak siam ka alam moi trường saong trun takik pandiak biak rilo ka tabung saong var raong. Meda pala dom janih phun sro yau: sắn dây, gấc, thiên lý, mành mành…piah pacang tabung var raong, gam pacang halui, ngak cảnh, saong meda pabak hu pandap ye: baoh traoh, bingu ngak njam. Min, njauk ngak khung halăm pak khang kajap, atah di tabung takik abih meng 20cm tagok piah plaih dhar hala gaok tapak tabung ngak tayah tabung var raong atau ngak thu hala, phun tuk gaok tabung tôn, fibro xi-măng. Ngak yau nan, meda daong pacang la-ar ka tabung, patrun nhiệt độ var raong duk saong alam moi truong meng 3 tal 5 độ C saong tani tanat nhiệt độ var raong luac tukvak dalam harei.

-Mikva jeng meda ngak hệ thống ngak la-hei tabung var raong saong gah dalam var raong. Meda ngak hệ thống pruh ia sit sit ngak brei la-an tabung saong gah dalam var raong. Jalan ngak ini meda daong trun pandiak drah samal ka tabung, var raong min jien buh tame glaong, abih rilo điện, ia saong meda ngak khut tabung var raong, thiết bị raong glang saong bhian hu độ ấm praong dalam var raong meyah oh hu tadhik nao gam.

-Lingiu di nan mikva njauk caik hatai sangka pasang iek, pabak ginup chất dinh dưỡng brei kaya raong; pataom mek khak saong ia nerak yaok harei, ngak haci hacih var raong. Trun takik mật độ kaya raong dalam bilan pandiak bhang, oh kareik rilo kaya raong dalam sa ô var raong. Menaiy ka athur sa harei meng sa tal dua mbang. Khik ginup ia menyum hacih ka athur, menuk ada. Parilo kaya mbang hijao dalam var mbang, pabak dom janih vitamin saong chất điện giải. Salih tukvak brei mbang ka lagaih, brei athur menuk ada mbang di tuk lingik lahei piah paglaong brruk taduan mek kaya mbang. Oh raong palao athur, menuk ada tuk lingik pandiak ( meyah palao njauk palao tuk lingik la-an meng 6 tuk tal 8 tuk page, var biar harei meng 16 tuk meteh tal 18 tuk meteh.

   Kadha „ urang ngak hamu caong thau“ harei ini tal ini likau padheih. Kadha ini kayua rayo sap ndom VN pambuak saong Pasak pachreih nong negar ngak.