Sương sâm lac janih phun sro hu pala rilo di gah meraong. Lingiu bruk hu pandar piah ngak dom pandap mbang ye dhar, hala saong gha di sương sâm jeng hu pandar piah pasiam ruak ye daong trun kí lô, giải nhiệt, siam ka urang kumei metian, nhuận tràng, giải độc… Kadha “ urang ngak hamu caong thau” adit ini, kol dahlak likau khan tal mikva alamu pala saong pasang iek sương sâm:

Pandap pala:

Mikva meda pandar kadung xi măng, bao tải, chậu, khay, thùng xốp hu dalam sang atau taneh balau dalam beir piah pala sương sâm. Njauk Caik hatai: ala taok khay njauk cao gilaong piah tathuak ia.

Taneh pala:

Phun sương sâm lac phun mbuan pala, mbuan diuk saong tamuh siam di rilo nền đáy karei di gauk. Min, phun brei năng suất glaong abih meyah pala di taneh hu rilo gluh, rilo dinh dưỡng.

-Mikva meda blei haluk hu blaoh atau  srau haluk saong khak limo hoai mục, khak menuk, khak trùn quế, kanduh Kam, xơ li-u, than bùn, mùn hữu cơ…Njauk drak halok saong cur blaoh cambu meng 15 tal 20 harei dahlau si pala piah pametai abih dom anek ruak dalam haluk.

-Sương sâm hu dua janih lac hala jangaih saong janih hala thaot baoh hatai hu bilau mịn (sương sâm bilau, hala mối). Asar pajaih sương sâm mikva meda duah blei di dom labik pablei asar pajaih hu angan je, chất lượng. Hu dua jalan pala, meng asar atau dhar jeng hu.

-Pala meng asar: asar pajaih blei mai tram tui tỉ lệ: 4 pandiak + 6 la-ar dahlau sa melam. Hadei nan mek khan sit, kapan papaok dom asar pajaih veik, ngak brei pasah, kak veik saong tuan libik halei nan hu pandiak mbiah ka tal tuk halei asar nerak tabiak. (bhian lac meng 7 - 10 harei). Drak asar tapak trun haluk hu caga blaoh, lam haluk lipih saong pruh ia meng vòi pruh sit sit.

-Pala meng dhar: pilih ruah dom dhar khang, taha hasit saong atah jaik 20cm blaoh klauk tagok haluk hu caga blaoh ( độ pableng di phun duk saong mbaok ro jaik 45 độ). Yaok harei pruh ia dua mbang piah ngak jeng độ ẩm ka phun tabiak gha.

-Dalam bilan thu harei pruh ia 1 mbang di tuk dah page saong bair harei lahei. Tal bilan hajan caik hatai tal bruk tathuak ia piah plaih phun bruk, dauk ia. Yaok bilan drak khak hữu cơ, khak limo, khak pabe, khak trùn quế, khak menuk…piah pabak dinh dưỡng ka phun piah phun cakrok siam.

-Tuk phun tabiak caduk, njauk ngak mejam ka phun sro. Ngak mejam meng gai kreim atau ngak mejam yau pala phun paya, tamun. Njauk Caik hatai, kak caduk ngak jalan ka phun sro mbuan jang.

-meng di tuk phun sro saong sro hu 3 tal 4 bilan hadei lac meda paik hu, caik ka hala dak hijao jhuk dak siam, tuk papat nyu tabaik sương sâm bingi jang. Tui bruk pandar bo cakak dhar atau paik hala.