Hadei di dom mbang oh jeng tuk camereip, dom mbang bimao hadei ni hu jak jeng yau hatai caong

Tapa duah thau di mangaok internet, H’Nhi hu thau tal bruk pala bimao hacih di Cty cổ phần Đầu tư cak rok patagok hijao khang kajap Fargreen Việt Nam, H’Nhi nao tal cty saong likau tame rivang iek, bac magru bruk pala bimao. Hu cty njauk hatai, H’Nhi tabiak Hà Nội piah bac ilamu pala bimao. Mboh hu bruk kham marat di urang kumei Gia Rai, mboh lac langik tasik di labik H’Nhi daok jeng lagaih haong bruk pala bimao, Cty Fargreen Việt Nam brei urang kỹ thuật mai tal palei Rưng Ma Nin piah pato tacei bruk pala bimao ka H’Nhi tui jalan pan tangin tacei bruk.

Hadei di dom mbang oh jeng tuk camereip, dom mbang bimao hadei ni hu jak jeng yau hatai caong. Urak ini, H’Nhi pala gam 2 janih bimao sò saong bimao pon di angaok taneh praong labaih 200 m2. Tapa pala ngak, hu thau ilamu rilo jang, thun 2021 jeng lac thun ka 3 bimao di H’Nhi mek hu kein laba. Urak ini, yaok harei H’Nhi paik hu meng 6 tal 7 kg bimao, meng 5 ro pon meda paik hu meng 3 tal 4 mbang, yaok mbang labaih 13 kg, abih tih 4 mbang paik hu labaih 40 kg bimao pon. Daok bimao sò, tukvak paik takik jang, lac 3 mbang, min mek hu abih tih labaih 50 kg bimao. Tuai di H’Nhi rilo meng lac dom sang dalam palei, dom xã jaik taphia, daok bimao that rilo meng hu H’Nhi pambu thu, tame paok pablei veik ka Cty Fargreen. Hadei di tuk kaoh abih jien buh tame, H’Nhi laba hu meng 4 tal 5 triệu đồng sa bilan.

Bí thư Đoàn xã Ia Rbol, Rcom Bình Nguyên brei thau, Kapul dam dara saong Hợp tác xã Thống Nhất xã Ia Rbol hu pambuak haong H’Nhi peih bruk pambak praong dalam dom sang caong ngak. Tui kuhria tal urak ini hu 10 baoh sang hu mbaok tame pala bimao. Oh lac hu pato tacei tapak ilamo pala bimao bo dom sang daok hu H’Nhi pambuak haong cty blei veik abih dom bimao pala hu.

Dalam thun 2022, kapul dara xã daok pasang iek, duah thau hatai caong di bhap bini, kham marat hu 20 baoh sang tra hu mbaok tame pala bimao, abih di nyu nan lac dom sang dam dara dalam tuk duah jalan peih bruk ngak mbang. UBND xã Ia Rbol daok hu daong 2 bilik bac klak, labaih 200 m2 taneh saoh piah daong ka dom sang dalam kapul pambuak bruk pala bimao piah peih praong bruk pala bimao, dui pachrieh rilo sang hu mbaok tame, daong patagok jien mek tame, pasiam raidiuk saong ba gauk pamaong tal bruk pandang pandap OCOP di palei./.

Urang lang: Thu Thao – 17/11