Pala tamun aia angaok laok hamu 

Sa-ai Nguyễn Ngọc Hân (daok di xã Khánh Hưng, huyện Trần Văn Thời) brei thau, tukvak trun vụ njam patam thun ini laik tame tukvak hajan dui atah kayua ribuk ka 1 nan ye akaok vụ biak kan kandah, rilo baoh sang njuak thac aia tabiak langiu piah plaih khat lahik ka vụ njam patam. Yau nan min, urak ini daok tame tukvak chính vụ thu hoạch, yaom kaom thun ini glaong jang thun dahlau nan ye bhap bani hu laba biak glaong. Sa-ai Hân klah rabha: “Ba njam patam trun hamu hu mboh ba mai baoh jeng siam mekre glaong takik abih 2 mbang dut haong pala padai. Kuhria rah tapa, yaok thun sang hu jien mek tame labaih 25 triệu mai meng njam patam”.

Baoh sang ong Ngô Văn Minh (daok di xã Trần Hợi, huyện Trần Văn Thời) urak ini hu jien mek tam labaih 10 triệu đồng meng vụ njam patam pala angaok laok hamu. Taom 2 harei sang ong gilac paik njam sa mbang. Angaok mblang taneh jaik 1 ha pala đậu bắp saong baoh pleiy, yaok mbang paik ong pablei hu meng 1 - 2 triệu đồng. Kein laba di vụ njam patam ba mai tui kuhria glaong jaik 3 mbang vụ padai. Tui ong Minh, dalam bruk peih ngak mô hình “ba njam patam trun laok hamu”, kan kandah prong abih di bhap banbi nan lac bruk huac kurang aia dalam tukvak tame bilan bhang. Thun ini, pambak tame bilan hajan tamat suai jang nan hu halau aia jeng daok mboh hu rilo, năng suất njam patam mboh glaong jang thun dahlau. Yau nan min, kayua mbaok aia urak ini trun dalam nan ye mikva pandar mek aia pruh njuak caik hatai, meyah aia njaom mbak lakhul rilo ye ngak jhak tal phun pala, ngak brei trun năng suất. Gha di phun pleiy mbuan khut ngak brei trun năng suất. Tuk nan, urang pala meda njuak lahik rilo pren yava piah mong iek gilac piah ka phun cak rok patagok gha bahrau nan ye njuak caik hatai duah mboh samar drah piah plaih khat lahik trak.

Urak ini, trun vụ njam patam angaok laok hamu daok cak rok patagok khang di dom xã Khánh Hưng, Trần Hợi, Khánh Bình Tây di huyện Trần Văn Thời. Hu blaoh yaok ribau ha hu bhap bani daok peih ngak. Ngan haong kein laba glaong jang rilo mbang pala padai, bruk ini daok daong ka bhap bani hu jien mek tame rilo jang.

Taong yaom ka baoh jeng mek hu di bruk ngak ini, ong Quách Vĩnh Phương, Akaok kapul urang nong xã Trần Hợi brei thau, phun njam patam tuk halei jeng ba mai laba glaong. Yaok vụ padai kaoh abih jien buh tame, laba duah hu tok jaik 5 – 6 triệu/ha, min pala njam patam laba meda duah hu tal 20 triệu đồng.

Rilo thun tapa, gah chức năng Cà Mau tuk halei jeng pachreih bhap bani labik laghaih haong bruk pala njam patam yau hu ginup halau aia pruh saong oh njaom mbaak mbak… ye trun vụ njam patam piah hu jang jien mek tame. Abih di nyu, bhap bani njuak trun dom janih phun dalam but pajaih ratak piah oh lac tok hu jang jien mek tame bo daok daong ngak brei ka taneh nyu siam jang di vụ mùa hadei nan./.

Urang lang: Jasi - 30/10