Bruk pala menaih hu rilo urang nong bac megru ngak tui 

Bein menaih praong di ong Sáu hu pacang vil val meng jalan  bê tông prong 1,2m gam piah pajeng menaih gam lac ar pacang, peih radeih patuh  jiak 30 minite meng nao abih vil val bein. Ong Sáu khan lac, janih menaih ong pala lac  menaih Queen,hu rilo siam lagaih yau ye phun praong samar, tabiak dhar rilo, brei boh prong racam song yamen, hu urang mbang biak takre.Phun menaih hu gha oh khang song tamuh oh dalam,  nan ye khin hu rilo baoh brei hu mbaok haluk pasoh saong hu janih dinh dưỡng,tathuak ia siam dalam bilan hajan

Tui ong Sáu, meyah taneh prong dom ha ye bruk ngak taneh oh kan, min  ngan song 50ha yau ong ye oh lac mbuan. Piah pala menaih hu kein laba, ong Sáu buh tabiak yaok rituh  triệu, hu tuk lac jaik sa tỷ đồng piah ngak dom ro menaih glong.

Ong Sáu brei thau: “Yaom lac taneh likhun min jeng hu giới hạn saong brei pok ro njauk meng pala menaih duik hu, dalam tuk pok ro njauk mek 4 - 5 tấchaluk mbaok caik tapa sa gah bloh meng kuac tal haluk ala mbat  tagok ro, hadei di nan mek 4 - 5 tấc haluk mbaok dahlau di nan paroi tagok angaok mbaok ro, binah dok veik paroi  tagok ngak jalan. Meng ngak yau nan, gam hu taneh pala menaih, gam hu jalan, abih di nyu nan lac pandar jalan ia pablak tame bein menaih piah pajeng kaya nong song khak drak, pruh jru ka menaih biak mbuan lagaih”.

Dahlau deih baoh menaih pablei pagam pambak tame urang pablei salih nan ye njauk urang kateik yaom. Meng tuk sang mac Lavifood hu công suất 500 tấn pandap/sa harei di huyện Gò Dầu hu peih tabiak ngak, piah hu pandap piah ngak, doanh nghiệp ni duah tal urang nong pala menaih piah blei baoh. Oh taeng ong Sáu bo rilo mik va pala menaih dalam bhum danak dak hu doanh nghiệp blei abih.

Ong Sáu khan lac: “anak tal,taphia di bruk pala pabak abih 150ha menaih, hulin meda pambuak bruk song mik va dalam bhum pala menaih  tui jalan  hữu cơ piah ngak jeng bhum pala menaih siam, salamat, pamong tal bruk ngak tui jalan khang kajap. Phun menaih hu kein laba  glong jang 5 mbang duk song ngak padai 2 vụ/sa thun; glong jang  4 mbang  duk song bei plom song glong jang rilo mbang duk song phun tabau  ”.

Meng lagaih haong langik tasik, taneh riya di bhum tapen negar Tây Ninh nan ye menaih praong siam.Tui kuhria sa ha menaih  hadei di 3 thun pala mek hu labaih 60 tấn.

Urak ni bhum taneh njom likhun dalam bhum dok jiak taphia bein di ong tagok tal jiak  300ha.Piah pachreih urang nong salih taneh ngak padai tagok jien mek tame, karja pak ni dok peih ngak sarak dong 30%pajaih, langui di nan,kapul urang ngak nong hu sarak pablei khak  bayar suai ./.

Urang lang : Hanipha- 16/12