Urang nong pandar ilamu rong hadang mek hu kein laba 

Bến Tre urak ini hu 35.000 ha raong hadang tasik mek hu labaih 50.000 tấn yaok thun. Bruk raong hadang di Bến Tre tagok khang meng lavik mai, abih di nyu lac hadang raong thâm canh saong meteh thâm canh. Tukvak tapa, bruk salih bahrau ilamu raong hadang tasik thâm canh hu daong patagok parilo hadang, pabak bruk pablei tabiak taneh ia lingiu.

Dom jalan ngak hu ba tabiak ngak samu gauk, meng cơ chế, sarak tal padang ngak hạ tầng, patagok khoa học công nghệ; jhul khang bruk ieu urang buh jien tame ngak mbang, abih di nyu lac buh jien tame raong hadang công nghệ glaong saong buh jien tabiak padang sang mac ngak hadang…

Tui nan, tỉnh patagok bruk pambuak gauk, pambuak dom sang raong, labik ngak hadang sit sot pataom veik jeng kapul pambuak bruk, jeng hợp tác xã piah jeng bhum ngak hadang praong, pataom tame ngak labik pambuak bruk haong doanh nghiệp pabak vật tư saong blei veik tui chuỗi giá trị, trun takik labik dang kreh, labik trung gian.

Hu dom bhum ngak nong takik kein laba salih jeng bhum raong kaya ikan chuyên canh, lagaih haong quy hoạch, pambuak haong chế biến saong darak pasar, brei ngak dahlau dom dự án padang ngak cơ sở hạ tầng, abih di nyu lac dom ribaong pabak ia, tahuak ia di bhum raong hadang praong, bhum raong hadang pandar công nghệ glaong di 3 huyện Ba Tri, Bình Đại saong Thạnh Phú.

Hadang tasik hu brei thau lac 1 dalam 8 kaya pandap praong di tỉnh. Bhap bini jeng mboh hu kein laba glaong meng bruk raong kaya ikan nan ye khang hatai buh jien tame ngak ka diện tích ia mbaok brei ka bruk raong pala kaya ikan tagok biak samar.

Abih di nyu lac, bruk raong hadang takai patih 2 vaktu daok hu tagok biak khang ngan saong diện tích 780 ha, mek hu 12.000 tấn. Ini lac jalan nao bahrau ka bruk raong hadang tasik dalam tỉnh kayua nyu gam khik bruk raong kaya ikan hu tani tanat, gam caga hu khat lahik kayua ia, njom mbak, thu lagu, pandiak bhang.

Rilo bruk raong hadang pandar công nghệ glaong, tuk camereip ba mai kein laba mboh di anak meta. Bruk raong hadang takai patih thâm canh mek hu 8-tấn sa ha sa vụ; hadang sú 5 tấn meteh sa ha sa vụ; quảng canh, hadang padai meng 200- 250 kg sa ha sa vụ; hadang raong 2 vaktu mek hu biak glaong, jaik 180 tấn yaok ha mbaok ia raong yaok thun.

Min bruk raong hadang công nghiệp jeng jhak ka môi trường kayua menuac raong jeng oh ka paglaong hatai sahneng ka bruk pandar hóa chất, kháng sinh; bruk caga ruak ka hadang, raong hadang meng chế phẩm sinh học saong xử lý chất thải dahlau di tuk prah tabiak gah langiu oh ka hu urang raong hadang caik hatai sangka./.

Urang lang: Mousaphuong -26/2