Binh THuan sa bhum pala thanh long prong di abih 

Kayua langik oh siam, bhian hu ia sua, hangin ribuk puac vụ, dom puk palei njauk tui iek catang bruk langik tasik, piah rami ramik tukvak pala ka nyu lagaih. Gam haong nan, oh dui atah tuk vak pala drak ngak kan kandah tal bruk parabha ia, tukvak trun pajaih, lac jalan njom mbak ruak ka dom vụ hadei.

Brei thau pacang caga jit ruak angaok phun pala, abih di nyu nan lac ruak vàng lùn, lùn balik hala angaok padai ; ruak jaruh hala angaok phun cao su; ruak đốm nâu, ruak thán thư di phun thanh long; halak keo bilan thu palai kaik phun tangei; ruak khảm hala kayua virus palai kaik phun bei plom.

Langui di nan, urak ni jit Covid-19 rah tabiak srau kadau, dom puk palei brei padang jalan ngak piah khik kajap tukvak  pala drak, iek glang, yuak mek, pajeng ba, parabha meyah puk palei njauk peih bruk paatah di gauk (tui sarak 16 di Thủ tướng rajaei) piah khik kajap bruk patagok song paglaong kein laba kinh tế dalam  pala drak.

Tui Sở ngak nong song patagok palei pala tỉnh Bình Thuận, dom bhum bhian hu ia sua, ia dauk dalam di dom huyện Đức Linh, Tánh Linh, oh pala ngak vụ mùa bo salih tapa pala ngak bilan đông xuân avar piah nyaik hu ia sua chính vụ dalam bilan 9, 10.

Gam haong nan, dom mblang hamu glaong, atau hamu dok ngak 2 vụ padai, hamu oh khik hu ia pruh njauk salih tapa pala dom phun pala angaok thu yau tangei, ratak dom janih piah patrun patakik khat lahik kayua jit ruak.

Hadei di tuk yuak padai bilan hè thu, njauk pataom tame ngak hacih mblang hamu; ngak taneh ka nyu siam blaoh ka meng pala vụ mùa. Bruk pala drak brei ngak samu gauk tui yaok bhum, yaok mblang hamu, piah pacang caga song patrun patakik di abih rầy nâu song jit ruak vàng lùn – lùn balik hala.

Gam haong nan, urang nong brei pandar pajaih padai xác nhận song pandar dom pajaih padai katut harei piah oh ngak brei suai bilan đông xuân 2021 - 2022./.

Urang lang:Hanipha- 1/9