Urang nong ngak tabiak rilo jamriak pruh ia patak pataom 

Dalam tuk rilo po bein nho njauk padeih pala drak kayua pandiak bhang, bein nho labaih 2 sào (2.000m2) pala dom pajaih  nho bhong Red Cardinal, nho NH 01-152 di sang saai  Phạm Thị Lệ Dung (xã Vĩnh Hải, huyện Ninh Hải) dok hajao that yau oh njauk hagait di langik pandiak dom bilan tapa, dom mejam  nho boh trak dhar di sang saai Dung dok caga paik boh. Saai Dung brei thau, dahlau deih, sang pandar jalan pruh sraiy biak khat ia, tame bilan thu pandiak ia takik nan ye tok njuk ia pruh piah dong ka phun nho.Tapa duah thau dom jalan pruh ia patak pataom , thun  2018 sang saai buh tabiak labaih  15 triệu đồng ngak jalan pruh ia lam ala haluk tui jalan pruh hajan tự động. meng hu ngak jalan pruh ia patak patom, sang saai sahanang hatai pala drak dalam bilan pandiak bhang .

Atah di nan oh hadom, gam kak talei dom dhar nho hajao siam  tamuh tabiak atah dalam pandiak hangin, saai  Nguyễn Thành Quang (xã Vĩnh Hải, huyện Ninh Hải) brei thau, sang pala  5 sào nho bhong, dom thun dahlau  tame bilan pandiak rilo phun nho metai thu kayua oh ginup ia pruh.Bilan 10/2019, saai  Quang đbuh tabiak jiak 30 triệu đồng ngak jalan pruh ia hajan ka abih bein nho., meng nan, bilan thu thun ni sang saai oh dok huac  kurang ia pruh. Tui panuac khan di saai Quang, pruh ia patak pataom dong khik hu độ ẩm di taneh tui bruk praong tagok di phun nho, phun oh lavang sit kayua kurang ia pruh. Taphia di nan, pruh patak patom oh ngak brei ia sraiy, daong ka gha phun  nho tamuh khang, meda buh khak tapak tame jalan ia pruh, dong patrun lahik khak kayua bốc hơi atau sraiy tui ia kayua pruh sraiy biak rilo.

Dom boh sang urang nong brei thau, jien buh tabiak blei pandap ngak jalan  pruh hajan  ka 1 sào (1.000m2) meng 5-7 triệu đồng, pruh sit sit meng 10-12 triệu đồng. Bruk pruh ia patak patom oh lac dong ka phun pala njom  ia hu siam lagaih, dom boh sang meda kuhria hu yaok janih phun pala pandar ia hadom piah caga jalan ia pruh ka nyu lagaih  .

Pandar ilamu pruh ia patak pataom daok daong patrun hu menuac ngak, abih takik tukvak iek glang phun pala. Meng kein lagaih ba mai, urak ini gam haong bruk pruh ia patak pataom ka phun, rilo sang urang nong jeng daok pambak praong bruk pruh ia patak pataom angaok dom janih phun pala karei yau phun măng tây xanh, nha đam, lasun, ngò, ratak haluk saong dom janih njam patam karei karei. Abih di nyu nan lac, meng pruh ia patak pataom, mikva urang ngak nong meda peih praong bruk pala drak angaok dom bhum taneh thu lagu, daong patrun taneh bilau.

Yau ye di bhum taneh cuah  di  xã An Hải, huyện Ninh Phước, sang saai  Từ Văn Phúc lac sa dalam boh sang  pandar hu siam bruk pruh ia patak patom angaok phun măng tây xanh. Saai Phúc brei thau: “Pruh patak patom tok peih  van pruh tự động lac salah, tuk vak lahaiy drei ngak bruk karei . Kayua ia pruh  tự động hu pruh ginup  piah khik pasah ka  phun măng tây bo oh sraiy tabiak gah   langiu, nan ye patak patom hu ia biak rilo”.

Piah patak patom ia, urak ni, dom boh sang  urang nong dok pandar 2 jalan pruh patak patom lac prih hajan song pruh sit sit . Jamriak  pruh ia patak patom hu ngak biak mbuan hu jamriak njuk, bồn ia, jalan nding hu van pruh grauk bein.Tui kuhria, pruh ia patak pataom trun hu meng  20-40%, hu dom janih phun pala  patak pataom hu 60-70% ia dut song jalan pruh ia meng kan. Langiu di nan, meda pambuak bruk buh khak, jru khik caga phun pala tapa jalan pruh, dong patrun phun jien pala drak./.

Urang lang: Hanipha-6/5