Ong  Đinh Quang Tiến rong ikan Koi dalam danao meng nox caik ala krong Trà Khúc

Gam song yaok pluh boh sang  rong ikan rah tui krong Trà Khúc, ong Đinh Quang Tiến (umo 58 thun, xã Tịnh Sơn, huyện Sơn Tịnh, tỉnh Quảng Ngãi) meng lavik mai tok raong ikan chình, ikan  trám cỏ dalam danao inox caik ala krong,... Thun 2018, ong hu urang anek likei ba ikan chép Koi Nhật Bản meng ban raya HCM mai piah rong iek.

Ong Tiến ba palao dom ikan Koi tame danao inox rong gam hong ikan chình, hadei di sa tuk vak rong, ikan Koi praong siam, oh ruak, mbuan rong dalam ia krong Trà Khúc.

Ong Tiến brei thau: “dahlak hulin rong 300 drei ikan Koi, tuk camereip ba mai nyu sit nde 2 tuk tangin, yaok drei blei yaom 100.000 đồng. Hulin palao rong song ikan chình, danao inox  prong 18m2, kayua ikan Koi sit nan ye lồng raong nyu laneng”. Tui ong Tiến, ikan chình biak slut, huac hadah nan ye harei nyu nduac tame daok dalam labik kandauk. Ikan kình jeng slut, rong song ikan Koi oh jhak hagait tal ikan Koi bo nyu meda dok siam song gauk. Dom lồng rong hu ngak meng  inox gam haong kayau, kreim nan ye labik rong biak lahơi, lagaih song ia ndik angaok krong Trà Khúc.

Hadei di tuk rong labaih 6 bilan, ikan Koi trak hu 3 lạng/sa drei, yaom pablei tuk ni labaih 500.000 đồng/sa drei. Ong Tiến daok rong, rilo drei ikan Koi hu ong rong tal labaih 1 thun trak meng  meteh kg tal –sa kg...

Daok bruk brei ka ikan Koi mbang, ong Tiến brei mbang yau ikan chình, yaok harei 2 mbang, pandap mbang lac haleik song ikan that. Ong Tiến rong angaok krong Trà Khúc nan ye ia biak hacih.

Bruk njauk biai di ikan Koi lac diuk siam di nhiệt độ ala 35 độ C, meyah tapa tanut ni, ikan Koi mbuan kurang oxy, mbuan metai. Yau nan ye, ong Tiến bhian sục khí dalam tuk langik pandiak.

Ong Tiến brei thau, 300 drei ikan Koi di ong praong siam song hu pablei tabiak. Langiu di ikan Koi, ong Tiến dok rong 300 drei ikan chình. Bruk ngak di ong meyah hu pambak prong meda ba mai kein laba kinh tế glong jang rilo mbang dut song rong dom janih ikan karei./.

Urang lang: Hani Pha