Urang nong patruh kan kathaot meng bruk rong chồn hương 

Ong Nguyễn Văn Đấu (daok di xã Tân Ân Tây, huyện Ngọc Hiển, tỉnh Cà Mau) lac urang hu rilo ilamu rong chồn hương labaih 10 thun ni mai. Meng bruk raong ni, yaok thun, ong Đấu pablei anek pajaih song pablei rilow laba hu jien tỷ.

Tui ong Đấu, chồn hương lac janih athur mbuan si rong, takik ruak. Yaok harei nyu mbang 2 mbang di tuk mesup song biar harei. Pandap mbang di  chồn lac patei, ikan, ba khía... Kayua pandap mbang hu rilo nan ye bruk rong  chồn hương oh abih rilo jien.Tuk rong njauk caik hatai padang val ro, laneng lanoi, hacih saat, song khik hu pandiak ia harei piah patrun jit ruak. 

Chồn hương yaok thun menek 1 tal 2 mbang, min urak ni, ong Ðấu hu pabam pajaih  ngak brei chồn menek  3 mbang sa thun. Ngan song drei chồn hương binai meng tuk bahrau ndik tapui, rong hu labaih sa thun ye nyu menek. Tuk chồn khin tano, ong brei chồn tamo juak chồn binai bloh vak cambaih harei bilan piah tui iek. Hadei di tuk khin tano labaih 64 harei,chồn nyu menek.Hadei di nan, rong labaih 1 bilan  5 harei lac meda neh chồn anek tabiak truh amaik. Tuk neh tapon hu 5-10 harei ong brei chồn juak gauk. Yau nan, yaok thun sa drei  chồn binai  menek hu 7 chồn anek.Tuk camereip, ong ba mai rong  dalam darung min oh hu. Meng dom mbang raong oh hu, ong pagam darung sit veik, urak ni, dok peih prong  meteh mét, glong  6 tấc song tah  8 tấc mboh hu siam lagaih jang

Ong Đấu brei thau: darung praong hu  5 janih oh siam lac:Ka sa, abih jien ka darung; Ka dua, chồn nduac,chat mbuan njauk jaoh takai ; Ka klau, kan klaak tano,drei tano juak oh hu kayua drei binai nduac vil val, ka pak, abih rilo pandap mbang,ka lime lac abih rilo labik.

Urak ni, abih tih tapol chồn pajaih di ong Đấu hu labaih  100 drei.  Yaok bilan menek tabiak meng  35 - 40 drei. Hadei di tuk, kaoh tabiak phun jien meng jien pablei chồn pajaih song rilaow, ong Đấu mek tame hu labaih 80 triệu đồng/sa bilan.Meng bruk rong glang kein laba ni, bo rilo boh sang urang nong di dom tỉnh ban dalam negar duah tal piah blei chồn pajaih anek. Tui ong Ðấu, drak pasa urak ni blei biak rilo chồn pajaih song chồn rilaow,  ong oh hu ginup piah pablei ka dom tuai damuai. Tui khin blei pajaih njauk kakei dahlau dom bialn.Tui kuria dalam dom thun tal, ong Đấu meda peih prong var ro song pataom tame raong anek pajaih piah pablei ka drak pasa./.

Urang lang: Hanipha -18/12