Tapon pabe hu rong tui jalan bahrau 

Pabe lac athur rong lagaih song rilo bhum taneh hu  nhiệt độ karei di gauk, nan ye takik njauk hagait tuk ba meng labik pandiak tal labik la-an.. Kayua yau nan ye, meda pajeng pabe pajaih meng  Ninh Thuận tabiak gah brak rong. Min, patrun patakik bruk pajeng ba pabe pajaih dalam bilan brak kayua langik pandiak la-ar glaong biar jang gauk biak rilo meda ngak brei pabe mbuan ruak, saong bilan barak di gah brak bhian kurang pandap mbang, nan ye oh lagaih ka bruk rong palao athur.

Tuk vak pajeng pajaih siam di abih lac dalam bilan hè song bilan thu kayua takik hu bruk glaong biar jang gauk gah nhiệt độ, hadei di tuk rong pabe nyu randap saong praong siam. Hadei di tuk pabe pajaih hu tani tanat, brei klauk jru pacang dom ruak yau laka cambuai tapaok kakau, tụ huyết trùng piah pacang ruak ka pabe dalam bilan thu đông song đông xuân.

Dalam bilan brak njauk caik hatai sangka: Oh palao pabe tuk  langik ala  10 độ C, tuk langik hajan atau ia kakua sara, oh palao pabe biak avar tuk ia kakua oh ka ralai. Var ro hu sàn pacang pasah, pacang sre plaih ngin yuk tame, plaih hajan thac, pabak ginup pandap mbang ka pabe dalam bilan brak, oh brei pabe mbang pandap gam glut baok, pasah piah plaih dom ruak gah jalan tung yau catang tian./.

Urang lang: Hanipha -20/11