Ikan chep racam raong hu dalam danao haluk

Ikan chep racam raong hu dalam danao haluk, lồng bè atau danao xi măng. Min ikan takre daok di ala mbat danao, nyu praong saong khang kadang. Kayua yau nan ye, ngan haong danao raong ikan, urang raong brei pabak dom bruk yau ini:

Labik raong: danao raong jaik sang piah mbuan tui iek, kayua ini lac janih ikan hu yaom glaong. Daok meyah danao oh jaik sang, njauk ngak sang tual piah khik iek. Danao jaik jalan nao mai, lagaih ka bruk pajeng pajaih, pandap mbang saong ba pablei.

Mblang raong: ikan chep racam drei nyu praong, nan ye mblang raong sit di abih meng 2.000 – 5.000m2. Danao hu kuac dalam labaih 2m, meng mbaok ia tal pabah danao atah takik di abih lac meng 4 tấc tal 5 tấc.

Bruk njauk caik hatai tuk kuac danao raong: danao raong ikan chep racam njauk kuac jaik labik hu ia hacih, pabak hu bruk salih ia yaok harei. Plaih dom jalan ia ngầm. Kayua biak mbuan hu dom janih kim loại trak oh siam ka ikan bo drei kan thau hu.

Danao ia tuk camriep njauk tauk bạt, caik patau atau tuh xi măng. Ini lac bruk camriep brei mboh bruk karei gauk di ikan chep racam saong ikan chép karei. Ngak danao njauk ngak yau nan kayua pandap mbang ka ikan rilo meng lac hu pabak meng ratak, oh brei meluk haong dom pandap mbang karei.

Dahlau di tuk palao ikan, drei njauk taoh ia ka nyu thu, kuac gluh, mek hariek hariem, ngak brei samu tapak mbat danao. Tuk ngak bloh drei proi cur tapung tagok angaok mbaok piah tani tanat viek độ pH di danao. Tui kuhria  10kg cu tapung ginup ka 100m vuông.

Pabu danao dalam 3 harei atau rilo jang. Tuk ginup harei, drei brei pabak ia tame meng 1m5 tal 1m8. Ia dalam jang biak rilo dut saong bruk raong ikan trắm cỏ.

Ia ba tame dalam danao brei khik hu hacih sa-at, nan ye njauk pandar rilo khan halang ia dalam tuk ba ia tame danao.

Njauk caik hatai thau lac: ia piah raong ikan chep racam oh ma-mbeik rilo, min jeng oh jangaih rilo. Khik ka ia hacih, ogh me.mbeik, oh jangaih lac bruk praong.

Urang lang: Thu Thao – 15/09