CHAM.VOV.VN: Pak gak ieu lac dom bruk ngak meng tangin di urang bangsa Raglai daok di dom xa bhum ceik tinh Khanh Hoa. Piah khik tani tanat saong patagok bruk pak gak meng tangin di bhap bini, rilo bhum palei hu padang Kapul ngak bruk pak gak duh ka bruk daok dang yaok harei saong jirah rivang, daong brei bruk ngak, parilo jien mek tame ka bhap bini rahra saong khik ramik bruk ngak meng tangin di urang bangsa Raglai. Kadha “Dom bangsa adei sa-ai” harei ini, da-a mikva pang kadha di urang pambuak bruk VOV di Minh Triều.

CHAM.VOV.VN: Di rah gah Kreh Negar, jeng daok rilo bingun pak mata, bingun vil kayua urang Cam kuac rok. Di bhum taneh thu lagu, urang Cam patak pataom hu ilamo ka bruk duah ia taba di taneh cuah tapen tasik saong bhum taneran. Halau ia jangaih meng bingun oh lac sa janih brei duh ka bruk ngak mbang blaoh daok lac kaya banrik piah pablei salih ka kapal gilai di urang langiu negar. Kadha di Bá Minh Triều hu ba tagok harak Bangsa saong Patagok yaih khan ka kahanau ginuh kuac bingun di urang bangsa Cam.

CHAM.VOV.VN - Dalam jaman ilamu lek taka so, tuk internet hu jeng mblang ma-in jhul patagok bruk pablei salih meng online, rilo ayut sahabat ranaih bhum urang bangsa takik daok di Tay Nguyen hu samar drah pandar dom ilamu lek taka so piah peih bruk ngak mbang. Bruk ngak ini daok ba mai yaom jien mek tame saong ngak brei pambak prong janih ilamo rilo janih saong biak karei di dom bangsa tapa khan ao jih dalah.

CHAM.VOV.VN: Kreih palei tasik sron mbon di phuong Mũi Né, tinh Lam Dong, hu sa labik ilamo karei crih – Lac Gilang khik drap ar kaya yao klak Mũi Né, kayua urang pataom khik Nguyễn Ngọc Ẩn padang tabiak saong pataom khik. Ini hu lac gilang kaya jaman yao klak di ta-eng urang menuac akaok meti di bhum tapen tasik dalam tinh, labik oh lac pataom khik yaok pluh ribau kaya banrik bo daok daong pato pakai bhap bini, yaih khan ilamo saong patagok rah rivang karo kajap. Kadha “Dom bangsa adei sa-ai” harei ini, da-a mikva saong taong abih gauk pang kadha hu ba tagok harak ndien tu Thong tan xa Viet Nam.

CHAM.VOV.VN: Adat duh mukkei di urang bangsa Lolo xa Lũng Cú, bhian hu padang yaok thun di harei 14.7 saka ia bilan, hu pato pakei bhap bini thau tal halau agha, thau phol thau dhar mukkei, ngak jeng bruk pambuak bhap bini baoh sang, but pajaih, palei pala… Dalam Kadha “Dom bangsa adei sa-ai” harei ini, khol dahlak hulin yaih khan adat duh paling ini tapa kadha hu ba tagok harak Ilamo.

CHAM.VOV.VN: Caing ieu lac sa baoh alat ginang caing brei ragam ragu oh kurang hu dalam raidiuk di urang bangsa daok di Tay Nguyen. Tui urang mikva bangsa K’Ho di tinh Lam Dong, kadha caing chreih chrai sameng tagok lac tukvak piah mikva mbon palei taom gaok, pambuak pagam hatai anit ranam di manuac urang, brei mboh hatai anit ranam sa hatai dalam baoh sang saong bhap bini. Kadha “Dom bangsa Adei sa-ai” harei ini, Ka Yến hu kadha yaih khan ka “Caing Bor – sap yava chreih chrai di hatai anit ranam”, da-a mikva saong taong abih gauk tui pang:

CHAM.VOV.VN - Harei Vu Lan bayar dhar phol piah brei pahadar ka phol dhar tal amaik ame, saong mukkei. Harei Vu Lan bayar phol rah tabiak dalam bingun Po Rami bilan 7 Saka ia bulan yaok thun, nyu ieu lac sa di dalam dom harei adat praong abih di Agama Bhat saong dom bangsa dalam Viet Nam. Harei ini ieu lac harei adat Vu Lan bayar dhar phol thun 2025, da-a mikva saong taong abih gauk duah thau ka halau agha, makna di harei Vu Lan bayar dharphol dalam kadha"Dom bangsa adei sa-ai" adit ini. Kadha hu ba tagok harak VTC News.

CHAM.VOV.VN: Tui urang bangsa Randaiy, halam salao lisei oh lac sa var mbang bhian yaok harei blaoh nyu daok yau sa baoh bingun piah urang dalam sang pataom gauk, parabha bui sambai, pambuak gauk di dalam rahra bhap bini. Var mbang huak ini tuk halei jeng hu bak dom janih kaya kan mbang bhap bini, pagam hoang dom ndap nda kaya kan di dalam langik ceik glai saong adat suai lavik di bangsa. Kadha “Dom bangsa adei sa-ai” adit ini, da-a mikva saong taong abih gauk duah thau ka kaya mbang di urang bangsa Randaiy. Kadha hu ba tagok harak bangsa saong Patagok.

CHAM.VOV.VN: Daok di tapen tasik, Vinh Chau, ban Can Tho, baha Khmer hu angan Wat Sala Phôthi Sêrey Sakô hu rilo manuac urang thau tal kayua dalam baha hu sa baoh kabo Ong ikan lamen triak labaih 10 tan. Daa mikva saong taong abih gauk mai rivang baoh baha ini tapa kadha vak angaok harak Dam dara Thanh Nien.

CHAM.VOV.VN: Sang baha Mot Cot ieu lac sa di dalam dom danak dak padang sang biak karei abih di Asia chau A, hu umo rituh thun siam gheih hu angan di HaNoi. Cuak tame rup drei sa thaik thaot baoh sang biak karei, ini jeng sa labik jirah rivang me-in ilamo duh agama oh meda hu klak tapa tuk mai rivang ban ine Hanoi. Kadha “Dom bangsa adei sa-ai” harei ini, da-a mikva saong taong abih gauk pang kadha vak hu ba tagok harak Tuoi tre ban ine.