VOV4.VOV.VN - Đồn biên phòng pabah mbang negar Mỹ Quý Tây hu brei bruk khik iek labik tapen negar atah labaih 13 km, dui atah meng xã Mỹ Quý Tây tal xã Mỹ Quý Đông dalam huyện Đức Huệ, tỉnh Long An, labik hu bruk an ninh oh ka biak siam.

VOV4.VOV.VN - Dalam dom harei ini, grauk dom puk palei, labik daok di bhap bini dalam tỉnh Bình Thuận bak bui sambai, chreih chrai di Harei roya Jum pataom bhap bini. Ini oh lac harei bui sambai, harei pataom gauk, bo daok lac tuk piah ka mikva dalam puk, dalam palei, dalam labik daok brei mboh bruk jum pataom gauk.

VOV4.VOV.VN - Rom-vong lac ragam tamia bhap bani hu urang Khmer takre saong hu jeng kadha ma-in oh kurang hu di dom mbang pataom gauk ngak ilamo, ngak adat cambat meng kan di bangsa Khmer. Ragam tamia rom vong di urang Khmer hu Mentri Ilamo – Padhih saong rivang ma-in pok angan saong ba tame angan Inem krung ilamo oh mboh di meta pakat negar.

VOV4.VOV.VN - Ragu daoh bhap bani Raglai hu tabiak rai saong daok veik lavik zaman dalam tuk ngak mbang, ngak huak yaok harei di urang Raglai daok di tỉnh Ninh Thuận. Ragu daoh bhap bani hu urang Raglai daoh tagok piah brei thau hatung hatai di drei ngan haong langik tasik saong rai diuk.

VOV4.VOV.VN - Daoh then, capi tính lac ilamo hadah krah meng kan mai di urang Tày, Nùng daok di palei Tân Sơn, xã Sông Bình, huyện Bắc Bình, tỉnh Bình Thuận. Kalup kapul Daoh then- capi tính di palei Tân Sơn bahrau hu padang tagok saong ba tame ma-in, dui pachreih hu rilo urang takre ragu daoh bhap bani ini.

VOV4.VOV.VN - Yaok thun dalam tukvak meng harei 15/9 tal harei 15/10 saka ia bilan, urang Khmer Nam bộ chreih chrai peih ngak adat Kathina, daok hu ieu lac dâng y cà sa. Ini lac sa adat ndung bak ilamo meng kan di urang Khmer, brei mboh hatai caong hu siam mekre, salamat ka sang danaok, gauk gar.

VOV4.VOV.VN - Harei pataom ngak adat Kin lẩu khẩu mẩu, daok iew lac Harei pataom ngak adat Cốm bahrau hu peih ngak yaok thun tuk puac bilan Thu saong akaok bilan Brak di angaok mblang hamu Mường So, huyện Phong Thổ, tỉnh Lai Châu. Ini lac tuk piah ka bhap bani brei mboh hatai thau dhan phol langik tasik, dom po yang hu brei ka puk palei, bhap bani

Adat drak padai meng lavik mai nyu kak kajap hong rai duik di urang Bru-Vân Kiều, jeng sa ilamu biak ginreih di bhap bini daok pak ni. Kadha dom bangsa adei saai adit ni, kol dahlak hu khan tal adat drak padai di urang Bru Vân Kiều.

Di mangaok dom bhum glaong bak ia kakua, di kreih mbuan ceik lac dom baoh sang rông biak glaong, lac labik khik suan yava palei di urang Giẻ Triêng ndung mbak gheih mekre karei meng bruk padang ngak saong hatai sahneng ka raidiuk pambuak tal drei kubau. Kadha dom bangsa adei saai adit ini daa mikva saong taong abih gauk duah thau ka drei kubao dalam bruk padang ngak sang rông di urang Giẻ Triêng.

Adat pambuak talei rohim jeng adei sa-ai di taneh ia drei hu meng lavik mai, pambuak 2 urang oh ralow darah haong gauk hu jeng gauk gar. Urang Mnông di Đăk Lăk jeng hu pambuak talei rohim adei saai, min bruk ni oh lac pambuak 2 urang, bo 2 boh sang oh gam talei but pajaih, hu jeng gauk gar ralow darah, song adat pambuak talei rohim gam haong pandap ngak adat hu peih ngak siam mekre. Kadha dom bangsa adei saai adit ni, daa mik va song tong abih gauk pang kadha vak “Gheih mekre adat pambuak talei rohim adei saai di urang Mnông daok di Đắk Lắk” di H Xíu, urang vak di roya sap ndom VN dok di Tây Nguyên.