Dalam palakhah meng kan di urang Khmer pak di tinh Soc Trang tuk halei jeng hu mbaok di dua urang, nan lac ong Acha pờ-lịa – yang ka dua urang dang akaok tacei pato ngak adat lakhah saong ong Maha – urang dang tabiak daoh tamia, peih ngak dom adat, peih ngak gilac dom dalikan tui njauk adat cambat tanarakun meng kan. Dahlau di tuk ba ndap nda ngan haong 36 janih nao tal sang urang kamei, 2 urang ini hu tacei pato, kakei dahlau urang likei dom adat cambat ngak yau habar hu nyu njauk. Jeng di tuk ini, adat ragam tuk halei jeng nao gam haong adat lakhah.

Adat lakhah hu peih ngak dahlau di abih hu adat raok baoh kayau – daok ieu lac adat He chây suôs, nyu mai meng ariya Ream Kê saong dalikan Chây haong Suôs – 2 cei bia hu ginup abih ilamo hu lamen mbong palih ruah ngak patao, bia di dalam medhir putao. Hadei di tuk brei thau ka tuk siam, kapul nyaom urang raok tagok jalan gam haong ong Acha pờ-lịa ba akaok, patui nan lac ong Maha, blaoh tal matau likei saong dom janih ndap nda hu raok ba nao tal sang urang kamei, oh kurang hu bingu phun laneng hu caik dalam talam salao ameh, metham khan siuk pasain tanyiak merah bhong.

Nao dahlau kampulan ragam ragu lakhah, gam nao gam ma-in alat ragam – gam daoh. Ragam ragu gam tui sap yava, panuac daoh... (Harei patao nao, harei patao nao! Ơi adei nyu leiy lac harei jayah. Raok ba alak adat... ơi adei nyu leiy tame dalam piah ngak adat. Raok ba alak adat ơi adei nyu leiy tame dalam piah ngak adat. Ơi... patao nao ma-in oh lac tok sa drei, Ơi... patao nao oh lac tok sa drei. Hu gam cung tan, my nu nao gam..)

Ndam raok nao tal pabah mbang sang kumei tuk ini hu pacang gilac atau gam kareik kakir veik... Ong Acha pờ lịa saong ong Maha tuk ini njauk peih ngak adat peih pabah mbang meng sa ragam tamia. Ragam tamia peih pabah mbang brei mboh gilac dalikan ka talei rohim di likei dam kumei dara dalam dak dalukal Nai Sêđa. Pabah mbang pacang veik hu mong yau pabah mbang di ban, meyah dua urang likei dam saong kumei dara hu talei rohim ye hadei di klau mbang gaok tame pabah mbang, ye pabah mbang meda peih tabiak piah ka gah sang likei nao tame ngak adat.

Tuk pabah mbang hu peih tabiak, Acha pờ-lịa, metau likei saong kapul nyaom urang raok He chây suôs nao tame mblang dalam sang. Di ini, Acha pờ-lịa ngak adat likau salam ayuh selamat haniem phuan saong kak tangin ka matau likei. Amaik ame metau kumei jeng peih ngak adat ini, maong iek yau meng harei ini nao, urang likei dam nan hu maong yau anek metau dalam sang saong taduan mek bingu laneng meng gah sang likei. Hadei di adat ini, ong Mê-ba (lambaok ka gah sang kumei) daa kapul nyaom urang gah likei nao tame sang, dua gah ndom glai nao mai bui be haong gauk. Ini jeng lac tukvak piah peih ngak adat –parang tabiak ndap nda lakhah.

Dom kadha daoh tamia di adat parang tabiak ndap nda lakhah hu langyah ka panuac sua tangi: yau habar pandap panda dalam ndam lakhah di gah sang likei tuk halei jeng ginup 36 janih baoh kayau... saong yau habar bo tuk vak ba ndap nda mai gah sang kumei hu ieu lac adat raok baoh kayau.

Dalikal khan yau ini: “Anai Sê Đa tuk daok tui gru bac agama angaok ceik glaong caong khin ngak lakhah gam haong cei biar. Min daok di ceik glaong gilac oh hu hagait piah ngak adat lakhah. Urang gru lac juai kuhria. Ong pandar anek athur dalam glai ngak ndap nda, taong abih nan lac hu 36 janih baoh kayau. Kayua yau nan ye hadei ini, ndam lakhah tuk halei jeng njauk hu ginup 36 janih baoh kayau piah ngak pandap”./.