Rup patau Kala di Ceik Muk hu duah mboh dalam labang cakac duah di inem mek Ceik Muk (daok di palei Mỹ Thạnh Đông, xa Hòa Phong, huyen Tây Hòa) dalam thun 1993. Hadei di nan, ndap nda hu ba mai parang piah iek di Gilang khik drap ar tinh Phu Yen. Sarak patau kala hu sarak thaik thaot angaok patau túp riolit đaxit yau thaik thaot hala nhĩ, takai tapak, hajung haluak, glaong 60cm, takai praong 44cm2, kapal 17cm; trak 105,5kg.

Maong gah langiu meda mboh, mbaok meta Kala angaok rup patau hu pabah praong, 8 baoh tagei hu sarak baong gilong praong, atah mblo tabiak langiu; dalam nan hu 2 tagei graing saong 6 tagei anak. Cambuai angaok di Kala vaiy. Balau vil pabah kapal, dak jeng yaok jalan tapak. Di dua gah pabah, yaok gah hu 3 take tamuh meng ala tagok. Gilong Idung vil praong min pacah mbaih paje, mapaong idung katut saong jaoh. Duah meta praong vil, mblo tabiak anak, mata paseik tagok angaok. Balau jih mata kapal, iku balau jih mata gaving yau kanduh abao. Angaok dhei hu talei asar vil. Balau bờm kapal jeng 4 tal.

Dalam bruk paoh sarak patau Champa, Kala ieu lac sa janih thaik thaot hu angan, brei mboh ka Yang Siva – Po sapalai saong pajeng di Agama ilamo Hindu. Thaik thaot Kala hu pambuak dom thaik thaot di anek lân, girai, singa… Di mbaok meta Kala bhian hu dua take, dua mata mblo, dua tangi sit, dua gah mbaok catang, tagei anak saong dua tagei graing atah. Dalam nan, mbaok kala oh hu tagei ala saong kang. Dom sarak patau brei mboh kadha ka yang Kala hu duah mboh tal ini hu ngak meng patau saong lan am.

Phaok Yao su , Tien si Bùi Chí Hoàng, Phaok Akaok klak di Jabat Khoa hoc xa hoi bhum gah Meraong negar, Uy vien Hoi dong Drap ar ilamo negar ndom meyai lac: Patau sarak Kala Ceik Muk ieu lac sa janih patau sarak naih gheih di bruk paoh sarak jaman ilamo Champa. Phu Yen hu bimong kalan saong ndap nda Champa rilo, hu makna dalam drap ar ilamo Champa di Viet Nam. Bruk khik ramik saong patagok dom drap ar ini oh lac daong khik ramik sajarah krung meng kal bo daok lac sa kadha piah ka bruk roh duah saong patagok gah jirah rivang ilamo.

Tinh Phu Yen daok dalam bhum taneh hu rilo drap ar ilamo Champa. Ini lac bhum taneh hu rilo inem mek hu angan yau ye Bimong Nhạn, Thành Hồ… Tapa dom mbang pasang iek, roh duah inem mek di ilamo Champa dalam tinh, dalam tukvak tapa, yaok rituh ndap nda hu duah mboh, pataom khik saong ba tame Gilang khik drap ar tinh piah khik ramik, roh duah, parang saong paglaong yaom kaom.

Urang dang akaok tinh Phu Yen ndom meyai lac, tukvak anak mai tal, bhum palei patagok bruk pathau khan, yaih khan ka yaom kaom ndap nda pakat negar Kala Ceik Muk saong dom ndap nda ka ilamo Champa angaok dom truyen thong pagam haong patagok kinh te – xa hoi, rilo meng lac patagok gah jirah rivang. Tinh patui vek roh duah, dom urang daok khik piah duh ka duah thau, taong yaom yaom kaom sajarah ilamo, nghe thuat piah ngak harak gar ba tagok Thu tuong Rajaei maong iek, mbaoh tangin brei angan ndap nda hu yaom glaong pakat negar dalam dom mbang daok mai meng anak tal./.