Gầu Tào lac adat cambat meng kan di urang Mông, hu bhap bini bangsa Mông di dom tỉnh bhum ceik gah brak khik ramik mbiah tal harei ni. Di huyện Hoàng Su Phì tỉnh Hà Giang, adat ngak Gàu Tào hu peih ngak di bilan 9, piah pok meyaom ilamu, bangsa, patagok yaih khan tal tuai damuai ka sajarah dakrai, ilamu di Hà Giang. Kadha dom bangsa adei saai , adit ni, kol dahlak likau khan ka harei pataom ngak adat Gàu Tào di mik va bangsa Mông daok di Hà Giang tapa kadha vak di Minh Tâm hu ba tagok mbao điện tử Thông tấn xã VN

Daoh Then lac ilamu siam gheih di urang Tày, Nùng, Thái hu UNESCO vak angan tame Harak Angan Inem krung ilamu phi vật thể lambaok ka manuac sia dunya. Tui rilo bhap bini daok di bhum ceik gah Barak, dom ragu Then meng kan gam haong capi Tính tuk glaong tuk biar hu prein dui pachreih biak khang. Kayua yau nan ye, bruk khik ramik saong pato daoh Then tuk halei jeng lac bruk suh sah di nghe nhan Then. Kadha “Dom bangsa VN” adit ini, Phương Thoa hu kadha vak ndem ka bruk khik ramik ragu Then di bangsa Tày, Nùng, Thái.

Yaom lac raidiuk dalam dom puk palei di urang Tây Nguyên harei ini hu rilo salih bahrau, min dom yaom glaong meng dom baoh kadaoh thu jeng daok tamo. Tapa nan brei mboh jalan diukrai siam gheih, jaik haong langik tasik di anek menuac bhum taneh bhong bazan. Kadha “dom bangsa adei sa-ai”adit ini, kol dahlak likau khan kadha vak: Baoh kadaoh thu dalam raidiuk bhap bini Tây Nguyên di Ngọc Thu mangaok báo Bangsa saong Patagok.

Ala takai ceik Ngọc Linh, dua huyen bhum ceik Bắc saong Nam Trà My, tỉnh Quảng Nam lac bhum taneh diuk rai meng lavik mai di urang bangsa Ca Dong ( dhar bangsa Xê Đăng). Lac sa dalam biak takik dom bangsa takik di bhum ceik Trường Sơn - Tây Nguyên, urang Ca Dong tuk halei jeng biak caong khin khik ramik saong patoa veik dom ragu daoh bhap bini bangsa drei…Dalam kadha“Dom bangsa adei sa-ai” harei ini, da-a mikva saong grauk ayut duah thau dom gheih mekre di ragu daoh bhap bini Ca Dong tapa kadha vak angaok harak mbao Bangsa saong Bhum ceik:

Bangsa Hrê rilo meng daok di tỉnh Quảng Ngãi, hu inem krung ilamo biak rilo, ngan haong dom ragu daoh bhap bini yau ye Ka-choi, Ta-lêu gam haong dom janih alat ragam bangsa yau ye chiêng, capi Brook, chinh K’la, Ta lía…. Peih ngak dom jalan ngak di Đảng ka bruk khik ramik ilamo dom bangsa, tỉnh Quảng Ngãi daok pambuak haong mikva bangsa Hrê kham marat khik ramik, patagok yaom glaong ilamo di bangsa drei, piah oh lahik nao. Kadha vak di Đinh Hương hu ba tagok mbao Bangsa bhum ceik hu ndem tal bruk Quảng Ngãi khik ramik ilamo hadah krah di bangsa Hrê.

Mentri Ilamo, The thao saong Du lich bahrau tabiak harak brei thau Adat Khai hạ saong Tri thức lịch Đoi (lịch Tre) di urang Mường tame angan ilamo phi vật thể pakat negar. Ini lac sa kadha biak prong di urang palei Mường Hòa Bình. Kadha dom bangsa VN adit ini, daa mikva saong taong abih gauk pang kadha vak di Nguyệt Anh angaok Bangsa saong Cakrok piah thau jang ka Adat Khai hạ.

Bangsa Cơ Tu daok rah tui talei ceik Trường Sơn daok khik hu rilo ilamu hadah krah, dalam nan, lagu tamia “Tung tung da dá” (daok ieu lac ragu tamia pok tagok po langik) lac brei mboh ka ilamu ndung bak raidiuk, ka hatai sahneng di urang Cơ Tu. Piah khik ramik, yaih khan ilamu gheih mekre di mikva, ban Đà Nẵng daok ba ragu tamia ini tame pamere tuai du lịch. Kadha “dom bangsa adei sa-ai” adit ini, kol dahlak likau khan kadha vak: Ba ragu tamia “tung tung da dá” di urang Cơ Tu tame duh ka tuai du lịch di urang vak Đức Hoàng hu ba tagok blah web di Mintri ilamu thể thao saong ravang.

Urang Giáy di Lai Châu dok di grauk dom huyện thị dalam tỉnh hu labaih 14.000 urang. Dalam nan, ban Lai Châu lac labik hu urang bangsa Giáy dok rilo abih di phường Quyết Thắng song xã San Thàng. Raja Háu Đoong phường Quyết Thắng lac bruk ilamu meng kan, hu khik veik meng saman ni tapa saman deih, piah pamong mai halau gha, ilamu meng kan di bangsa. Kadha: Dom bangsa adei saai adit ni, daa mik va song tong abih gauk pang kadha vak di Đinh Thùy mangaok mbao điện tử di TTXVN hu ndom ka rija Háu Đoong:

Puac thun 2021, UBND tỉnh Thừa Thiên Huế brei adat ka Muinyim lan anm klauk krong Hương di Giáo sư, Tiến sĩ Thái Kim Lan hu peih tabiak ngak. Labaih 30 thun ngan song hatai takre pandap klak srong tagok meng krong Hương, muk brei padang Muinyim lan an klak krong Hương song hatai cong khin yaih khan janih ilamu klauk tal bhap bini song tuai damuai , abih di nyu nan lac dom urang daok ranaih umo thun. Kadha : dom bangsa adei saai, adit ni, daa mik va pang kadha vak di Nguyễn Công Hậu mangaok mbao Nhân Dân yaih khan ka Muinyim lan an klauk krong Hương –sa muinyim duy nhất dalam taneh ia hu parang tabiak labaih 7.000 pandap lan klauk hu roh duah, duah mboh meng dom baoh krong di Thừa Thiên Huế.

Jeik lac pandap pambuak pagam haong raidiuk di urang Jrai, Bahnar. Thau hu dom yaom glaong ilamo bangsa, rilo sang kham merat khik piah hu dom baoh jeik quý, rik daong caik veik ka rairah harei hadei. Kadha dom bangsa adei saai adit ini, khol dahlak yaih khan kadha vak di R’ô Hok mangaok mbao Gia Lai hu ndomka mikva bangsa daok di Gia Lai khik piah jeik meng kan ka rairah harei hadei.