Bahrau ini, mikva urang Jrai dalam Kalup kapul Kong chieng di puk Ama Djơng, phường Đoàn Kết, ban sit Ayun Pa hu peih ngak adat ieu yang, uan raok bo chieng bahrau hu alin hadiah meng Danak dak 6 ka “khik ramik, patagok dom yaom glaong ilamo meng kan siam gheih di dom bangsa takik hu pambuak haong bruk cak rok patagok du lich” di Danak dak bruk ngak negar ka cak rok patagok kinh tế-xã hội bhum bangsa takik saong bhum ceik tukvak 2021-2030.

Meng dah page, akaok palei Kpă Hoăt haong mikva daok di puk Ama Djơng caga piah ngak adat uan chieng bahrau. Pandap ieu yang lac akaok, iku, pha, tung pruac saong tai di sa drei pabui saong 3 caih alak tapai. Dahlau di nan, phun nêu hu padang tagok di kreih mblang sang Rông. Hadei di tuk parang tabiak pandap ieu yang, taha palei Kpă Hoăt – urang dang peih bruk ieu yang.

Dahlau abih, taha mek ia tuh tame yaok caih alak tapai, hadei di nan mek tai pabui hu cakak sit buh tame yaok baoh chieng bahrau. Alak dalam ghè hu tuh tagok yaok baoh chieng. Gam ngak,  taha gam puac kadha ieu yang dalam sap chieng chreih chrai hu likei dam dalam palei ma-in, ieu yang mai maong iek adat ieu yang. Taha Hoăt puac kadha ieu yang, daa Yang trun gam ma-in haong mikva saong pok likau ka bo chieng hu khang kadang, sap yava danei atah, rahra tuk pandar bo chieng bahrau ini thei jeng bui sambai, jumpataom gauk, anit ranam gauk.

Hadei di tuk tamat blaoh kadha ieu yang, taha Hoăt daa akaok kapul chieng tagok manyum alak tapai camriep. Hadei di nan, taha ba brei yaok baoh chieng bahrau ka dom urang dalam kapul, yaok urang gam ma-in bui sambai, chreih chrai. Taha jeng tuh alak tabiak gaok ban, blaoh daa yaok urang dalam kapul chieng manyum.

Hu padang tagok meng thun 2023 haong 40 urang, Kalup kapul  kong chieng di puk Ama Djơng hu sa bo chieng klak. Nan ye, tuk taduan hu bo chieng bahrau, thei jeng bui sambai. Bo chieng bahrau hu 6 chiêng núm, 9 chiêng bằng. Phun jien meng Danak dak 6 ka “Khik ramik, patagok dom yaom glaong ilamo siam gheih di dom bangsa takik pambuak haong bruk cak rok patagok du lịch” daok daong ka dom urang dalam Kalup papul 40 bo khan aw ngui cuk meng kan di bangsa Jrai saong dom alat ragam bangsa meng kan karei pabak ka bruk khik ramik yaom glaong ilamo, cak rok patagok du lịch di palei.

Ong Siu Lịch, Phaok Akaok UBND phường Đoàn Kết, Akaok Kalup kapul Cồng chiêng puk Ama Djơng brei thau, dom urang dalam kalup kapul bhian peih bruk pasram piah paglaong ilamo. Min, piah ka ilamo cồng chiêng patagok hu dom prein khang dalam bruk dui pachreih du lịch, ong caong lac ban sit Ayun Pa bhian peih ngak dom danak dak, harei pataom cồng chiêng di dom xa, phuong piah ka dom kapul cồng chiêng hu tukvak pataom mbaok, bac taa, paglaong ilamo chuyên môn.

Langiu di nan, dom urang dalam kalup kapul caong khin kanja daong palagaih piah pambuak haong danak dak praong yau cồng chiêng puac adit peih ngak di ban Pleiku yaok harei sanecar yaok adit, danak dak hadah tanjah sambo mau ilamo, abih di nyu nan lac Festival hu peih ngak 4 thun sa mbang di ban Pleiku.

Bruk daong ba di kanja palei jang yau phun jien meng dom danak dak khik ramik saong patagok dom yaom glaong ilamo di dom bangsa Tây Nguyên dalam nan hu cồng chiêng lac sa bruk ngak piah pachreih ba dom nghệ nhân, daong ka dom urang ini patui veik hatai takre ngan haong bruk pato tacei, parang me-in cồng chiêng. Gam haong nan, paglaong hatai ngak bruk, khik ramik inem krung ilamo di bangsa, daong dui pachreih bruk du lich di palei./.