Dalam ilamu ugama Bhat, dom tabung cek glaong daok ieu lac sa labik yang mabang praong glaong ndam gam haong ralo jarah dak dalikan gam haong rak rai di Po Bhat.

Khan tal cek Tu Di, sa labik hu tabung cek danei angan di dunya, atah pasak ban Lhasa di Tây Tạng labaih 1.000km meng gah Pai ia harei tame. Dak rai caik mai, ini lac sa labik Po Bhat daok di angaok patau kali dakvah hukum ugama.

Di India, Linh Thứ Sơn atah di Bồ Đề Đạo Tràng labaih 70km, gam haong ayat ariya “khe núi khóa mây trời, nước biếc trào phỉ thúy”, jeng ieu lac sa labik urang anek Bhat di dunya khin caong pambuak takai mai. Di ini mada ieu lac sa labik Po Bhat dakvah Kinh Pháp Hoa.

Di Cina, ralo tabung cek hu thau yau ye gilang tapuk ndom mayai brei ka ugama Bhat, gam haong saih thaot sang danaok haong langik tasik gheih siam. Angan dalam nan hu Ngũ Đài Sơn, cek Nga Mi, atau cek Jiuhua.

Daok di tabung glaong 986m dut tui mbaok ia tasik, cek Muk Juk dang sang di kreh bhum Đông Nam Bộ, sa labik yau ye pasak gireih gheih di langik tasik. Tabung cek yau ye ia taginum maoam halui gam haong bingu hala tamuh cah 4 bilan musim luac thun, haong rup patau kayau gam haong yang mabang yau ye: Rup patau Muk Bhat Tây Bổ Đà Sơn hu angan praong di Asia, rup Di Lặc meng patau hijau praong di abih dalam dunya...

Tui profesor Trần Lâm Biền, dang di kreh mbang praong, cek glang di abih ieik mboh jeng yang. Ini ieu lac tabung cek njuk langik tasik ba tame taneh brei ka manusia binatang caik rok. Nyu yau gang jamang dang kreh dunya pagam langik tasik haong taneh riya brei siam makre ka abih urang di grauk labik.

Tal cek Muk Juk dalam kampulan ieik glang dalau brei ka labik caga ngai Pesta Raya Vesak 2025, Padhia Hakem Hòa thượng Phra Brahmapundit, Akaok Ủy ban Dunya pesta Raya Vesak Liên hợp quốc mboh lac: Cek Muk Juk yau ye intan jangaih, tanut tut asal brei ka pesta raya Vesak 2025. Gauk madam ai tal ini ieik Po Bhat jeng ye raong ba ilamu yang mabang. Labik ini oh lac hu ralo di dunya kayua nyu gam manusia haong raidiuk dunya biak. Bruk ini lagaih haong akaok angan Njauk gauk haong ilamu manuac urang: Hatai uranam manusia dunya di ugama Bhat haong patagok pakaro bruk praong Vesak: Tuệ giác aguma Bhat kayua siam mekre salamat dunya saong patagok suai atah di apakar.

Pesta raya Vesak 2025 mada tamuh meng harei 6 - 08/5/2025. Tui caga dalam danak dak, yaok ribau anek taco ugama Bhat dalam haong langiu nagar mai riwang jirah ilamu Bhat gam haong ralo janih gheih siam dalam harei raya ugama Bhat dunya.

Di Viet Nam, dui atah meng Utara tame Maraong nagar, hu 4 tabung cek hu angan, yau ye: Fansipan (Lao Cai), cek Đá Chông (Ba Vi, Ha Noi), cek Nưa (Thanh Hoa) haong cek Muk Juk (di Tay Ninh). Taong abih nyu ieu lac labik gam haong ilamu yang mabang di urang bangsa Viet. Yaok labik jeng hu ndam gam haong ilamu ugama Bhat Viet Nam./.