Tamia Ong Singa hu mek angan ilamu nagar thun 2017. Meng nan tal ini, bruk khik caga ilamu ini hu dom dom pakat gah dan haong bhap bini rahra ieik glang khik ramik.

Tui Tiến sĩ Hoàng Văn Páo, Akaok Pahasa Ilamu tỉnh Lạng Sơn, Tamia Ong Singa lieu lac sa janih seni bhap bini krik brik di urang bangsa Tày, Nùng. Ong Singa daok ieu lac binguk ilamu makre, jamo siam lagaih, sa janih ialmu praong glaong, nao tal halei selamat haniem phol trei sil tal nan. Yau nan ye di dom hareo akaok thun urang bangsa Tày, Nùng bhian daa kapulan Tamia Ong Singa mai tame sang tamia yau ye khin patiaok abilaih saiton bhut bhaong jit marit, bam ai sa thun barau bui sambai, selamat.

Tamia Ong Singa magiu mek dom janih ndap nda piah tamia yau ye mbaok kra; chiêng, chũm chọe; đinh ba chạc, gai drek, ndao, jagak, dhaong to. Ragam brei ka tamia Tamia Ong Singa mangiu ralo janih, yau ye gar, chiêng, chũm chọe. Yaok janih hu yawa karei karei di gauk, tuk nyu taong tagok nyu ba yawa ragam ragu mboh biak bingi pang. Tui labik tui janih main jeng ye tui janih amia Ong Singa hu ralo kadha tamia di nyu lagaih haong yang mabang, lakau tagok po, lakau brei selamat, tamia di pasta raya lồng tồng, tamia luak tapa apui …

Piah khik caga ilamu tamia Ong Singa mangiu, gah ilamu roh duah thau brei ka tamia Ong Singa mangiu; ngak ka bhum palei tamia Ong Singa mangiu di harei raya pesta, harei ilamu; pacah tamia singa bangsa Tày, Nùng; padang ngak dom janih ilamu gam haong patagok jirah rivang di palei …

Meng di thun 2021 mbiah tal ini, Sở Ilamu, Padhih dan Jirah dang akaok, pagam haong dom palei dang peih 30 tal bac pato Tamia Ong Singa magiu, pachreih hu labaih 200 urang tame bac. Dom tal bac mada daong pachreih, pambak lan tamia singa mangiu dalam bhap bini rahra bangsa Tày - Nùng.

Taong abih dalam tỉnh hu jaik 100 kapulan tamia singa di urang bangsa Tày, Nùng vhaong jaik labaih 1.000 urang. Kuria meng thun 2020 tal ini, tỉnh tagok ralo labaih 10 kapulan, klup tamia singa mangiu gam haong umo daok ranaih dam dara haong uranaih.

Ông Lý Mạnh Hưng, Phó Akaok UBND xã Hải Yến, huyện Cao Lộc brei thau, piah khik ramik, caga jeng ye patagok ilamu tamia singa mangiu, xã  pachreih dom palei, dom sang bac padang dom dom klup, kapul tamia singa mangiu. Dom sang bac Uranaih, pakat Tiểu học haong Trung học pakat mala di bhum bàn xã jeng ba bruk pato ilamu, dalam nan hu tamia singa mangiu tame bac ngoại khóa. Jabat bilik ilamu di sang bac hu brei prai parang ieik binguk jeng ye akaok singa mangiu. Dom bruk nan daong brei thau, daong ka uranaih thau, blaoh anit ranam ilmu bangsa jeng ye chreih bac magru ilamu tamia singa mangiu di bangsa drei. Gam gam haong caik hatai eik glang di pakat karja haong dom dom jabat, dom dom urang hu ilamu, main ba ilamu, dom kalup tamia singa mangiu dang jao ba ilamu ka damdara adei gauk anek taco.

Gam haong bruk dang di dom pakat, dom gah jeng ye dom urang main ilamu, ilamu tamia singa magiu hu anek taco dam dara daok chreih jao brei khik ramik ilamu bangsa dan haong patagok yaom kaom ilamu di dom bangsa pale bhum Tày - Nùng xứ Lạng./.