Khan ao ngui cuk nan ieu lac yaom ilamo meng kan mai di bangsa Thai. Nyu lac oh tok brei mboh ka bruk pandar caik angui cuk blaoh nyu daok brei mboh ka kadha siam gheih, ilamo saong adat cambat dalam talei pambuak bruk di bol bhap rah ra yaok ribau thun jeng daok khik tamo yaom di nyu. Urak ini, dom blah khan ao di urang Thai daok dak harei dak lahik nao saong salih bahrau tui jalan taduan mek dom kiểu cách jeng yau khan bai di urang Yuan. Yau nan min, khan ao angui cuk dalam ndam lakhah, ndam metai saong harei rija roya, urang kamei Thai jeng daok cuk dom janih khan aw ngui cuk meng kan. Ndom ka bingu hala angaok khan ao jeng hu bruk salih bahrau tui jalan ngak mbuan mbiah jang dom mo tip ilamo trang trí. Khan ao meng kan hu cakak jhik meng khan brei hu ngak meng baoh kapah njaom sambo hijao hu salih jeng meng khan capha atah saong ao so mi.

Ilamo mbang huak mbang menyum di urang Thai jeng biak karei, yau nan min urak ini jeng hu ralo salih bahrau. Dom janih kaya mbang manyum di dalam van mbang huak yaok harei jeng hu salih bahrau. Dom kaya mbang meng kan oh hu pandar rilo, salih tame nan lac dom kaya mbang di urang Yuan. Mai meng bruk pambak di gah rivang ma-in, piah pabak  hatai caong khin di tuai damuai, urang bangsa Thai hu ngak tabiak pandap mbang tui hatai caong khin di tuai damuai mai jirah rivang ma-in, lavik nao mikva nyu mblah tui pandap mbang di urang Yuan. Dom urang pablei salih gah sang ndih daok jeng hu tu la-ar piah pandap menyum ka tuai damuai. Urak ini, urang Thai di Mai Chau takik riak alak, mikva bhian pandar alak hu pablei angaok darak pasar saong dom janih aia menyum bhian pandar karei. Mikva oh daok pakuak drei rilo kadha yau dahlau diah.  

Bruk ngak mbang duah jien jeng hu salih bahrau mboh di anek meta. Tuk bruk ngak mbang tui darak pasar tamuh tabiak, urang Thai samar tui samu, bruk ngak nong njauk jhul patrun dang likuk. Taong abih jien mek tame di baoh sang mboh rilo pambak tame bruk pablei salih gah bruk rivang ma-in. Bruk ngak mbang baoh sang di urang Thai pak dom puk palei hu salih tapa bruk pablei salih, pandap panda, pambak tui di bruk ngak nong. Bruk menyim jih dalah meng kan dahlau diah di urang Thai hu vaktu njauk lahik nao. Yau nan min, dalam tukvak cakrok patagok bruk rivang ma-in di puk palei, bruk menyim jih dalah meng tangin mboh daok pasiam veik. Abih di nyu lac, dalam dom thun jaik di ini, bruk rivang ma-in cak rok patagok khang, mikva dalam labik daok ngak jang dom bruk pamere ka tuai damuai mai rivang ma-in. Bruk salih bahrau ini pambuak pagam haong salih bahrau dom bruk ngak mbang dalam vaktu cak rok patagok bruk rivang ma-in di mikva puk palei brei mboh ka bruk pambuak tui samu ngan haong vaktu cak rok patagok bruk rivang ma-in di bhap bani. 

Di but pajaih, bol bhap rahra, urak ini bhap bani urang Thai jeng daok pataom gauk jeng puk, oh atah gauk. Talei pambuak bruk ini jeng pambuak pagam gauk, abih di nyu nan lac dom bruk ngak prong di but pajaih, bol bhap rahra ye bruk daong ba gauk jeng hu patui ngak. Yau nan min, ala bruk pambak di rilo kadha, abih di nyu nan lac dom salih bahrau dalam rai diuk di bol bhap rah ra ye jalan diuk rai meng kan nyu daok padam trun, dom baoh sang saong dom urang dalam yaok baoh sang takik taom gaok nao mai haong gauk. 

Puk palei daok hu dom salih bahrau hu mboh di anak meta, abih di nyu lac di labik ban, ban sit atau di jaik dom canah jalan nao mai hu mboh dom puk palei hu padang tagok bahrau. Nan ieu lac dom puk palei hu padang ngak tapen dom canah jalan, dom baoh sang daok caong khin panduan trun daok jaik jalan, jaik darak piah mbuan laghaih peih ngak bruk ngak mbang pablei salih. Dom puk palei daok dalam ban daok hu jalan “Pho hoa”, mikva peih ngak bruk cakak taneh daok, taneh hamu pablei mek jien padang ngak sang, blei radaih saong pandap panda pandar dalam sang danaok. Kayua yau nan ye, dom puk palei urak ini oh lac tok hu bangsa Thái diuk rai bo daok hu dom bangsa karei daok pablak gauk.  

 Dom yaom glaong ilamo siam gheih nan hu patagok tal halei, patagok yau habar jeng daok pambak tame rilo kadha. Kayua yau nan ye, caong khin peih ngak rilo jalan ngak, jalan langyah piah cak rok patagok yaom ilamo meng kan dalam bruk cak rok patagok  khang kajap bruk ngak mbang – bol bhap rahra di bhum urang bangsa takik, ngak ka ilamo hu jeng hatai saneng khang kajap di bol bhap rah ra, nan lac pren khang piah khik brei grap tanat bruk cak rok patagok khang kajap di urang bangsa takik jang yau urang bangsa Thai./.