Pandap panda dahlau di tuk pablei tabiak darak pasa jeng hu tuak angan,duah thau cambaih laih asar di nyu

Akaok Hội đồng quản trị HTX Dịch vụ ngak nông tổng hợp Tân Tiến, Mai Văn Khẩn brei thau: Ngan song jalan pambuak bruk ngak tabiak song pablei tabiak pandap di dom boh sang urang nong, thun 2009 hulin song 12 urang dalam kapul peih bruk padang ngak Tổ hợp tác njam patam boh karoh. Tal thun 2012, khol hulin peih prong bruk ngak jeng HTX Dịch vụ ngak nông tổng hợp Tân Tiến. Song thun 2016, khol hulin salih jalan ngak bahrau tui hukum HTX 2012, tagok hu 20 boh sang.

Hadei di tuk padang ngak, HTX hu tong abih taneh pala drak di dom urang nong tagok tal 40 ha, song 80 ha pambuak pagam song dom urang nong, hu labaih 50 janih pandap. Piah patagok khang kajap, HTX peih ngak 5 jalan ngak: pasiam taneh meng dom chế phẩm sinh học hữu cơ; peih prong bruk pruh ia takik; khik ka bein phun pala pajaih hacih saat meng vật liệu giá thể, jalan ia tal dom pandap panda, jamriak peih ngak; paglong ilamu kỹ thuật ngak tabiak ka urang ngak; bhian pataom mbaok dom boh sang urang nong piah tacei ba bruk ngak tabiak tui công nghệ glong gam song drak pasa.

Ngan saong, yaok thun dom boh sang urang HTX jeng hu dom jabat gah ngak nông pato pakai, salih bahrau dom ilamu kỹ thuật pala njam tui tanut chuẩn VietGAP yau: salih pajaih bahrau, pala di angaok giá thể, pandar jalan pruh ia hajan, takik takik, oh njom tame haluh… Pandap panda dahlau di tuk pablei tabiak darak pasa jeng hu tuak angan,duah thau cambaih laih asar di nyu, hu panuac sinya khik ramik siam mekre pandap panda ka urang blei pandar.

Urak ni, HTX oh pala njam patam dalam sang camin abih. Tok sa binah mblang taneh hu pala dom janih njam hu yaom glong hu pala dalam sang camin yau cải bó xôi, njam bina, tamun ia, ratak Hà Lan, dưa lưới, dok dom janih njam karei karei yau njam sapei, dền, bắp cải, cà rốt, hành tây, dom janih njam gia vị… hu pala di langik bình thường song pandar tui tanut chuẩn VietGAP.

Urak ni, langiu di 20 urang, HTX dok pambuak pagam song 30 boh sang dalam tỉnh jak gauk pala tui tanut chuẩn VietGAP, yaok thun pablei tabiak darak pasa labaih 12.000 tấn njam patam boh karaoh dom janih. Dom pandap ngak nông pablei ka drak pasa di HTX Dịch vụ ngak nông tổng hợp Tân Tiến hu chuẩn VietGap, mek hu hatai jia di tuai damuai. Njam patam di HTX hu peih prong darak pasa hu pablei di dom siêu thị prong, siêu thị mini, cửa hàng tiện ích, song dom drak đầu mối dalam negar tui kuhria yaok thun hu labaih 2.000 tấn, jang yau duah hu labaih 300 triệu đồng/sa ha/sa thun. Tui kuhria, jien duah hu di urang ngak meng 7 - 8 triệu đồng/sa bilan.

Dalam tuk vak anak tal Dịch vụ ngak nông tổng hợp Tân Tiến hu peih prong jalan ngak, paglong pren khang ngak tabiak.Taphia di nan, duah dom pajaih pandap ngak nông bahrau lagaih song bhum taneh piah hu rilo janih pandap panda, patagok jien mek tame, taniu tanat bruk pablei tabiak ka dom urang song boh sang urang nong pambuak bruk hu sahnang hatai ngak tabiak./.

Urang lang: Hani Pha – 07/04