Urang nong ngak tui jalan hữu cơ mek hu kein lagaih 

Dom thun dahlau deih, ong Lương Văn Quang, daok di khu phố Hương Điền, phường Long Hương, ban .Bà Rịa bhain pandar dom janih khak  hóa học song jru khik caga phun pala ka bein njam di sang drei. Min njam patam oh siam yau hatai khin, dalam tuk phun jien buh tabiak ngak biak glong . Tukvak pala pandar rilo khak  hóa học nan ye năng suất, chất lượng taneh pala  trun samar tui thun. Bilan  5/2017 hu panuac tacei pato di Chi cục pala drak song khik caga phun pala (Sở ngak nong song patagok palei pala ), Sang ong lac sa dalam dom boh sang camereip peih bruk parang iek  pala njam mbang hala tui  jalan hữu cơ, ngan song taneh prong 400m2,dalam nan hu dom janih njam sabei, cải xanh, mồng tơi, rau dền, boh paya, ping poah…

Tui ong Quang, piah pala njam tui jalan hữu cơ, bruk ngak taneh lac biak prong. Taneh brei ngak ka siam,pandar chu,khak drak lac dom janih khak limo, khak menuk hu pa-auk gam song bimao vi sinh Trichodermapruh, pruh pachreih pabak dinh dưỡng ka njam.Dalam tuk pala,meyah mboh hu halak, njauk ramik hacih bein njam, pataom mek dom phun, hala khut piah am klaak, pala salih dom janih njam karei di gauk  dong patrun khat lihik ka mbang hadei. Tuk mboh halak palai kiak brei pruh dom chế phẩm meng laya, lasun laow, meriak tram haong alak, pandar dom bẫy dính, vợt piah chap halak, oh pandar dom janih jru khik caga phun pala.Ong Quang ndom lac: “Tuk bahrau salih tapa jalan hữu cơ năng suất trun, tuk paik mek suai jang song njam jeng kanyah jang dut song jalan ngak klak. Min, njam nyu siam,bingi, taneh siam veik samar. hadei di sa tukvak, njam tamuh biak siam, phun jien trun labaih  30% dut song dahlau deih, hu urang  takre blei, nan ye, yaom glong jang song drak pasa pablei tani tanat jang. Urak ni, tui yaom pablei meng 30.000 đồng/kg njam hajao, yaok bilan sang ong  Quang pablei hu labaih  4 tạ njam, laba hu  20- 25 triệu đồng/sa bilan.

Hadei di 3 thun salih tapa pala kruac bung klik hajao tui jalan  hữu cơ sinh học, saai Hồ Hoàng Kha (daok di xã Sông Xoài, ban sit  Phú Mỹ) mboh lac, baoh di thun camereip yaom lac takik jang, min meng thun ka 2 phun hu biak rilo baoh, bingi, phun khang kadang, patagok tamuh siam, sambo màu siam jang saong kruac bung pahe bingi jang  .

Ong Hồ Văn Kiệt, akaok HTX kruac bung klik hajao Sông Xoài (ban sit Phú Mỹ) brei thau:Hadei di tuk hu dom urang  hội cakrok phun kruac bung tui jalan  hữu cơ sinh học, abih gauk mboh lac năng suất song chất lượng hu khik kajap, siam mekre ka urang pala song urang blei mbang, dong paglong chất lượng song angan je  kruac bung klik hajao Sông Xoài. Kayua Yau nan ye, urak ni  HTX dok ba jalan ka dom xã viên nao tui jalan siam mekre, ba angan kruac bung klik hajao Sông Xoài mbeik drei tame, peih tabiak jalan pablei tabiak negar langiu, khik hu yaom kaom tani tanat song khang kajap bruk pablei tabiak ./.

Urang lang: Hanipha- 3/6