1. Ruak Anthrax (lac ruak dhang) Tui kuhria mboh hu jaik 14% dom limo, kubao njauk ruak dhang. Ruak bhian ngak ka lá lách barah praong. Kayua anek ruak Bacillius anthracis ba tal, tuk ruak rup pabhap pandiak samar saong takoi barah; pambak ruak kayua dom janih côn trùng njuk darak, nyu meda pambak tapa manuac kayua mbang rilo, taom gaok limo kubao ruak. Njauk klauk jru vaccin caga ruak dhang ka limo, kubao, abih di nyu lac labik mbuan njom mbak ruak.

2. Ruak tụ huyết trùng

Ruak ini bhian rah tabiak di bilan xuân hè, kayua vi khuẩn njom mbak meng dom drei limo kubao ruak tapa limo kubao kajap. Tuk vak pabam ruak meng 12 tal 48 tuk, limo kubao bhian glaih glan, pandiak glaong, suak yawa samar, sre ia idung, ia pabah…

Jalan iek ruak: Meda pandar jru Streptomycine, janih 1g sa kalok, pandar 20mg ka sa kilo teik trak di limo kubao trak atau jru Sulfatthiazone, Sulfamerazie ngan saong 20 – 25 mg ka yaok kilo teik trak di kubao, limo.

3. Ruak aih caraoh:

Ini lac ruak bhian mboh di limo la-oi, abih di nyu lac tuk langik hu hajan tathaiy tathah, pandap mbang njom vi khuẩn, dalam nan njuak ndem tal khuẩn E. Coli saong dom janih karei ba tal ruak jaln tung pruac. Tukvak pabam ruak meng 1tal 3harei. Camereip pandiak hasit, hadei di nan glaih glar , mbang oh tame, menyum ia rilo saong aih ia hu darah, meyah trak lahik ia meda ba tal metai.

Jru pasaim ruak: Meda pandar jru Kanamycine tapung 1g sa kalok, menyum 20mg ka yaok kilo teik trak di limo kubao, 2 mbang dalam sa harei gam saong jru Biseptone asar atau pandar Chlogram tapung lai ia brei ka limo, kubao menyum tui 20mg teik trak di limo kubao.

4. Ruak laka cambuai tapaok kakau: ni lac ruak kayua virus ba tal. Bhian mboh pandiak glaong 42 oC, takik mbang, tagok baoh mun ia di takai, cambuai, dalah saong takai tagei. Camereip mun sit blaoh dak harei dak praong tagok, patuh tabiak jeng laka ngak tapaok kakau. Meyah njol brei luk jru gam menyum kháng sinh. Piah caga ruak brei klauk jru ka limo kubao mbuan njom ruak takik di nyu 2 mbang dalm sa thun, ramik hacih var ro, meyah ruak trak brei ba am cuh klak limo, kubao, pruh jru ngak brei hacih var ro./.