Tui taong yaom di dom chuyên gia dunya, hu tal 80% jru khik caga phun pala di Việt Nam daok pandar oh njauk jalan, oh cang pandar saong palai pajua. Pasang iek di jabat chuyên môn, kuhria rah tapa urang nong pandar 4 - 6 mbang jru khik caga phun pala dalam thun, min ngan haong njam patam, dom mbang pandar nan tagok jang ralo mbang.

  Dom chuyên gia dalam ngành bhian khan brei thau dahlau lac, bruk pandar oh njauk tui panuac kakei meda ngak ka dom kadha oh siam di jru khik caga phun pala dak prong, dak kanjah jhak tal manuac urang saong langik tasik taneh riya. 

  Dalam đề tài roh duah pandar bimao Pleurotus piah paralai jru hareik Glyphosate angaok mblang taneh ngak nong di nyaom tác giả dalam sang bac ĐH Khoa học tự nhiên brei thau, dom kadha oh siam di jru khik caga phun pala tuk pandar ralo lac ngak ô nhiễm tal halau aia saong taneh riya, ngak kandong veik angaok kaya nong, ngak jhak ka manuac urang saong anek athur darah pandiak.

    Langiu di nan, pandar ralo jru khik caga phun pala meda ngak lahik cân bằng tự nhiên, ngak patrun bruk đa dạng quần thể sinh học, tamuh tabiak ralo janih jit ruak bahrau, ngak ka dom jit ruak nyu pacang caga hu jru (kháng jru) saong ngak srau dhau tal dom mối quan hệ phong phú di dom janih sinh vật dalam hệ sinh thái, ngak tamuh bahrau saong tamuh gilac jit ruak, ngak brei bruk pacang caga jit ruak di jru nyu patrun atau lahik abih.

      Bruk pandar ralo jru khik caga phun pala, abih di nyu lac jru hareik ba tal ralo kadha oh siam: ngak ka taneh nyu mesam, takik khik hu khak nan ye phun pala njom dinh dưỡng oh ginup saong oh cân đối, oh hu năng suất yau hatai caong khin. Pametai gam côn trùng saong vi sinh vật hu kein laba (iew lac thiên địch), lac jalan lagaih ka jit ruak cakrok patagok, ngak brei tagok jien buh tabiak ngak tabiak, tagok yaom phun. Ngak patagok nguy cơ ka an toàn pandap panda. Dư lượng jru khik caga phun pala daok kandong veik angaok kaya nong, ngak trun chất lượng saong bruk meriak gauk di kaya nong angaok darak pasar, ba tal ngộ độc cấp tính ka urang blei mbang.../.