Pathau mikva, jru khik caga phun pala, khak drak nan lac sa dalam dom janih oh kurang hu dalam bruk ngak nong. Yau nan min, meyah pandar jru  khik caga phun pala, khak drak oh njauk ye nyu oh siam ka pandap panda kaya nong, jhak ka alam môi trường. Kadha urang ngak hamu caong thau harei ini hu daong ka mikva thau hu jru khik caga phun pala ja saong khak ja. Daa mikva saong taong abih gauk tui pang.

Urak ini bruk pajeng ba, pablei salih jru khik caga phun pala, khak drak ja dak harei dak ralo. Tui panuac di dom urang ilamu dalam gah ngak nong, piah thau hu jru khik caga phun pala ja mikva meda caik hatai tame dom kadha yau ini:

Mikva njauk puac saong maong tani tanat nhãn jru dahlau si blei: jru ja bhian in kurang dom quy dinh di mintri ngak nong saong patagok palei pala ye: kadung oh njauk mẫu tut angan; logo di gah ngak tbiak oh hu atau oh njauk; angan jru oh hu dalam dom angan jru hu adat brei pandar; oh hu tukvak pandar; oh hu số tut angan ngak saong oh hu jabat brei adat ngak; oh hu tukvak ngak tabiak pandap nan…

- Yaom Jru khik caga phun pala ja biar jang rilo duk saong yaom di dom công ty ngak jru saong ba pablei.

- Tuk ieu phone tut angan angaok kadung bhian oh ieu hu.

-Nhạc cắt

 Hadei di ini lac jalan piah thau khak drak ja:

- Mikva njauk puac saong maong tani tanat nhãn khak drak dahlau si blei: kadung oh njauk mẫu tut angan; logo di gah ngak oh hu atau oh njauk; angan jru oh hu dalam dom angan jru hu brei adat pandar; oh hu tukvak pandar; oh hu số tut angan ngak saong oh hu jabat brei adat ngak; oh hu tukvak ngak…

- Yaom khak drak biar jang biak rilo duk saong yaom di dom công ty ngak khak saong ba pablei. Tuk ieu phone tut angan angaok kadung bhian oh ieu hu.

- Tuk buh ka phun pala, khak oh ralai, hu sambo màu oh yau khak…( tuk blei khak drak njauk hu hóa đơn piah hu bằng chứng tuk pandap blei nan oh njauk quy dinh).

- Daok khak NPK tổng hợp kan si thau hu meng meta maong bo njauk payua mẫu tal dom libik hu brei bruk phân tích yau dom pasak phân tích, viện, sang bac…

-Nhạc cắt

Pathau mikva! Tuk sahaneng lac blei njauk jru khik caga phun pala ja, khak ja, siam di abih mikva njauk khan brei ka jabat chuyen mon thau, yau ye: jabat khik caga phun pala huyện, Chi cục pala drak saong khik caga phun pala tỉnh. Mikva hadar khik mẫu jru, mẵu khak drak, hóa đơn blei pandap piah so sánh, đối chiếu. Dom gah chuyen mon hu trách nhiệm pasang iek tapak atau payua tal dom libik hu chức năng piah brei thau cambaih ka chat luong jru, chat luong khak drak.

Kadha “ Urang ngak hamu caong thau” adit ini tal ini likau padheih. Kadha kayua rayo sap ndom VN pambuak bruk saong Pasak pachreih nong ngak.