Hadang giraong hijao Trà Cổ

Di palei ni, urang bhian pandar  nding nhựa piah dui ia saat meng dom chraoh mai tuh tame  danao song palao hadang. Meng hu jalan ia tự nhiên liar bingi, jangaih saat  yau nan ye hadang tagok samar  song rilaow di nyu bingi jang duk song hadang di dom bhum karei.

Sa urang nong brei thau, bruk rong hadang rigong hajao di  Trà Cổ daok yam tame thun ka 20 song mblang taneh danao rong hu tagok. Mbang camereip hu dom boh sang rong song tal thun 2016 ye hu yaok pluh danao prong sit ngan song taneh prong labaih  30ha. Tal tuk  tết ni  ye mblang taneh rong hadang  tagok tal  54ha. Urang rong hadang girong hajao  di  Trà Cổ ba ilamu rong  glang  cmeng kan, takik pandar pandap mbang công nghiệp. Piah hadang limek kajap, rlilaow bingi, urang bhian pandar asar tangei  srau song dom janih ikan sit  bloh brei tame gaok prong tanek tasak. Tuk pandap mbang ni nyu lai limen, urang proi trun danao hasit hasit piah dang nyu mbang.

Saai  Đoàn Quốc Nam, urang rong hadang labaih  2.000m2 mbaok ia ndom lac: “Hadang girong hajao lac pajaih tagok siam  dalam ia taba song ia bak. Di  Trà Cổ, jalan ia saat, li ar nan ye nyu tagok biak khang .Karei jang, hadang di dom danao hu rilo patau ong ye tagok samar jang  dut song danao thường. Hu labaih 3 bilan hadei  palao pajaih lac  hu chap tagok piah pablei”. Jeng tui saai Nam, dom thun jiak di ni, bruk rong hadang duah hu ginup nan ye urang Trà Cổ hu pasiam veik  dom bhum patau glong beir  piah ngak danao rong.

Tui panuac khan di mikva, kayua jalan ia hu mek meng  dom chraoh angaok ceik nan ye tuk bilan thu njauk kurang takik. Yau nan ye, tuk vak rong  hu dui atah meng bilan  4 saka ia bilan  tal bilan sa thun hadei. Tukvak dok veik  kayua jalan ia takik   yau nan ye urang brei padeih song pataom tame pasiam veik danao. Ong Hoàng Văn Bình brei thau, danao hadang di sang ong prong  0,5ha song yam tame bruk chap mek. Hadang prong samar  nan ye meng bilan 10 tal urak ni sang ong mek hu jiak  1,5 tấn pablei ka menuac urang. Jeng tui ong Bình, tui kuhria , 1ha taneh danao chap hu  2-2,5 tấn hadang sa thun

Di xã Trà Cổ, hadang ginrong hajao hu pablei ka dom  cơ sở chuyên pablei salih kaya ikan  atau urang nong pablei tapak  trực ka dom  nhà hàng, khách sạn di  Đồng Nai, ban raya .HCM, Bình Dương… O ng Phạm Trí Tài, sa thương lái brei thau, yaok adit ong chap mek meng  4-5 tấn hadang ginrong hajao  piah pablei ka  đối tác. Kayua hadang prong, siam nan ye  urang blei biak njauk hatai.Janih hadang  tuai takre di abih  lac  10-15 drei 1kg. Ni lac janih bingi  bo tuai bhian blei piah   hấp, am…, Ong Tài brei thau hadang urak ni hu yaom  180.000 đồng/kg. Ngan song yaom ni urang rong duah hu kein laba tal  300 triệu đồng/ha.

Urak ni, piah hu pandap siam ka drak pasa , urang rong hadang girong hajao  Trà Cổ hu salih tapa rong tui mô hình VietGAP. Piah bruk ni hu patagok siam lagaih, labaih  3 thun dahlau, Chi cục Thủy sản Đồng Nai brei urang jakar mai pak ni  piah pato tacei, dong ilamu kỹ thuật ka urang rong hadang  VietGAP. Urak ni, dok di pak ni hu rilo boh sang  eng drei rong tui jalan ilamu  khoa học song Trà Cổ ngak jeng  Tổ hợp tác kaya ikan. Urak ni,  xã Trà Cổ dok peih bruk yaih khan  hadang ginrong hajao  di drei tal dom labik mbang huak, khu du lịch, nhà hàng di pak ni./.

Urang lang: Aí Nghiêm -5/2