Ong Nguyễn Văn Bé Tư daok di ấp 3A, xã Tân Hòa, huyện Châu Thành A, tỉnh Hậu Giang brei thau: Ong hu jaik 4 công taneh drak pajaih padai IR50404. Tuk sit phun padai cakrok hijao siam min tal tuk padai sraoh ye ruak vàng lùn - lùn balik hala ngak ka phun padai thu hala oh sraoh hu. Vụ hè thu ini mong yau khat lahik abih, oh mek hu jien buh tabiak. “Thun ini lùn bilik hala nyu palai pajoa abih 40-50% paje. Sraoh hu dom tangi padai min, daok veik nan nyu thu abih hala.   Dalam sa bilan drei mong mboh min oh ngak hagait hu, dom thun dahlau oh hu, dom thun dahlau ngak pajaih ini njauk ralo”.

         Tui kuhria mboh di gah ngak nong tỉnh Hậu Giang: Urak ini ruak vàng lùn- lùn balik hala hu mboh ralo di padai hè thu saong njaom mbak biak samar. Dalam adit bloh hu labaih 460 ha njaom ruak, patagok mblang taneh njaom ruak ini dalam tỉnh lac labaih 1.000ha, dalam nan hu  labaih 380 ha njaom ruak trak.  

         Tui gah ngak nong Hậu Giang: kayua yaom padai vụ đông xuân meng blaoh tagok glaong nan ye ralo urang nong hadei di tuk yuak vụ padai ini blaoh ye drak chip vụ hè thu piah yuak avan jang, pablei hu yaom. Mai meng bruk pala drak avan ngak ka jit ruak daok kandaong angaok mblang taneh padai đông xuân njauk njaom ruak vàng lùn - lùn balik hala oh ka yuak  bloh njauk rầy nâu pambak tapa padai hè thu.

Taphia di nan, kayua urang Nong oh ngak njauk tui lịch pala drak plaih rầy ba tal sa mblang hamu hu ralo laok hamu padai hè thu praong sit karei di gauk, lagaih ka rầy nâu cakrok saong pambak  ruak. Urak ini gah ngak nong tỉnh Hậu Giang daok pambuak bruk haong dom puk palei dalam  tỉnh peih ngak dom jalan pacang caga piah patrun khat lahik saong pacang cakak bruk pambak prong di ruak vàng lùn- lùn balik hala. Ong Bạch Văn Sơn - Chi cục Trưởng Chi cục pala drak saong Khik caga phun pala tỉnh Hậu Giang brei thau: “Ngan haong mblang padai njauk ruak trak ye urang nong njauk li-ua klaak. Daok labik ruak daok biar ye urang nong njauk buc phun padai njauk ruak klak piah plaih njaom mbak. Daok ngan haong dom laok hamu jaik si pala drak ye njauk ngak tui lịch thời vụ di gah ngak nong”.

      Urak ini tỉnh Hậu Giang pala drak hu jaik 65 ribau ha padai hè thu. Tui bruk ba tabiak ye daok labaih 10 ribau ha tra meda hu pala drak dalam dom harei anak tal. Vụ padai hè thu daok dui atah saong phun padai daok di ralo ralo tukvak cakrok patagok karei di gauk, meyah puk palei oh peih ngak dom jalan pacang caga siam, ye ruak vàng lùn- lùn balik hala daok pambak prong saong daok kandaong veik dalam mblang hamu./.