Urang lin daok daong bhap bani pala phun Paulownia

Phun Paulownia praong samar, hadei di 4 thun, kaoh mek hu kayau piah ngak ba-ar saong ngak dom janih pandap panda pandar dalam sang. Pajaih phun ini ba mai yaom kinh tế glaong kayua phun brei sản lượng kayau biak prong.

Dut haong phun glam jeng pala dalam tukvak 7 – 10 thun, phun glam tok hu đường kính meng 25 - 40 cm min phun Paulownia hu meng 65 cm tal 1m saong meda pandar piah ngak pandap panda pandar dalam sang, ngak ghe gilai, nội thất kapal haok… Yaom kayau Paulownia meng jaik 1,5 triệu đồng/m3 saong labaih 400 triệu đồng sa ha ka sa chu kỳ brei kayau. Meng nan meda peih tabiak jalan ngak mbang duah jien meng glai ka urang pala glai, daong patruh eik patrun kathaot… Abih di nyu nan lac, pajaih phun ini daok patrun ô nhiễm môi trường, me-om hijao ka mbuan kalu, patrun hu dom khut khat di ribuk aia sua. Ini lac janih phun kayau khang, njuan, oh cakong, oh talah ca-ai saong pacang hu pandiak nan ye patrun hu bruk khuah glai. Langiu di nan, hala saong bingu daok pandar hu piah ngak pandap mbang ka athur raong, patagok độ phì nhiêu ka taneh. Kayua yau nan ye, janih phun ini daok hu pala meblak haong dom janih njam patam karei: yau phun tea, ratak, tangeiy, đinh lăng; bingu di phun ini hu rilo mật, meda cakrok patagok hu bruk raong dangko.

Amuk Nguyễn Thị Lợi, cố vấn Hội đồng quản trị Công ty cổ phần Đầu tư phát triển môi trường Ngọc Xanh khan lac, công ty pala phun ini di xã Thanh Nông, huyện Lạc Thủy (t.Hòa Bình) ngak iek ka puk palei ngan haong mblang taneh jaik 3 ha. Anak tal, công ty meda pala veik labaih 30 ha di huyện Lạc Thủy saong jaik 100 ha dalam tỉnh Hòa Bình.

Công ty caong lac janih phun Paulownia meda daong me-om hijao mbuan taneh kalu, pacang khik môi trường di anek manuac, ba mai sambo màu hijao ka taneh aia, daong ngak brei “hala phổi Việt Nam hijao, hacih”. Anak tal oh suai lavik, phun Paulownia meda lac janih phun ba mai kinh tế glaong, patrun kathaot ka bhap bani pak in./.

Urang lang: Jasi - 13/11