Makamah peih ieik brei ka Nguyễn Văn Nh. Dan haong Nguyễn Văn Kh. ka dusa “Ba jalan ka urang tabiak ia langiu oh hu harak adat”, tui khoản 2 Điều 348 Hukum Hình sự.

Brei thau lac Nguyễn Văn Nh. Po gilai kapal taong ilan hu lek BL-932-TS hu adat brei taong ikan di mbaok tasia Việt Nam, gilai di Nh. Bhian taong mek ikan di tasik Bạc Liêu jaik pulau Hòn Khoai.

Dalam tuk taong mek ikan, Nh. mahit Nguyễn Văn Kh. Po kapal ikan BL-935-TS brei thau tapa bhum tasik langiu nagar taong hu ralo ikan jang, ralo kein raba jang di tasik Việt Nam.

Kayua mboh hu ralo kein raba yau nan ye hadei di nan Nguyễn Văn Nh. Pagam haong Nguyễn Văn Kh. pasalih mbaok tanut gilai, salih angan lek adat brei, paok dom janih tui ieik yam nao di kapal (VMS) pagam tapa gilai kapal ikan karei pacang mata urang tui takai, blaoh padang bruk bad om urang taong ikan di bhum ia nagar lagiu.

Dalam tuk taong mek kaya ikan tasik, dom urang taong ikan, dom urang taong ikan njauk urang cap mek kayua oh hu harak gar oh hu adat brei taong mek kaya iakan tasik, oh brei khan ka urang ngak bruk tasik. Jaka nagar langiu jao brei hadei taong bhap harak gar; jeng ye cap mek bih dom janih ndap nda gilai, kapal dom janih ndap nda taong ikan oh hu adat.

Di makamah, hadei di Hội đồng taong yaom, dakwak, dom urang njauk duac mboh janih chung di drei, caong dom chung di drei brei ka Hội đồng brei patrun duac taong bhat njuol piah drah awal hu mai sang mai jamah palei di drei.

Hội đồng taong yaom makamah brei thau lac, bruk brei dak, pilih urang; salih mbaok gilai, taoh mata ieik glang jalan nao taong ikan (VMS) tapa gilai karei ba urang taong ikan oh hu adat tabiak taong ikan di tasik langiu nagar Việt Nam di Nguyễn Văn Nh. haong Nguyễn Văn Kh. ieu lac brei bala ka bhap bini rahra, duacsa gam tame bala brei ka taneh ia karja dalam bruk ngak mbang, tame tabiak nagar haong gam bala brei ka bruk khik caga taong mek kaya ikan ia tasik oh hu adat sarak, oh pathau kahan, oh njauk tui adat sarak IUU.

Bih tamat makamah, tui harak duac, panuac khan di urang njauk duac, Hội đồng makamah taong bhat Nguyễn Văn Nh. 7 thun dalam guk; taong bhat Nguyễn Văn Kh. 6 thun dalam gut duac “Padang bruk ka urang tabiak langiu nagar oh hu adat ".

Phiên tòa giả định Makamah taong yaom ieik di tỉnh Bạc Liêu tổ brei peih ngak piah dakwah, brei patagok akaok saneng, brei thau cambac jang, rup urang ngak mbang taong mek kaya ikan tasik njauk tui adat hukum nagar Việt Nam jeng ye Hukum Dunya Điều ước quốc tế. Tui di nan, daong dakwah, thau cambac, brei thau Chỉ thị số 32 di Ban  Bí thư ka gah papraong paglaong bruk pan akaok di Đảng brei ka bruk ngak tui IUU  dan patagok karo kajap gah taong meik kaya ikan di ia tasik di tỉnh Bạc Liêu dak harei dak siam, daong haong dalam nagar taoh “thẻ vàng” brei di Ủy ban châu Âu (EC) taong bhat ka gah kaya ikan tasik Việt Nam./.