Pasak daong bruk adat hukum Karja ban raya HCM pambuak haong Kapul pambuak gauk pato tacei brei thau adat hukum quận Tân Phú, Hội Luật gia quận Tân Phú, UB bhap bini phường Phú Trung, quận Tân Phú peih mbang tòa ngak iek yau biak. Gam haong nan, peih pathau khan, daong bruk  adat hukum ka dam dara, menuac dalam Kapul urang kamei phường saong bhap bini dalam phường Phú Trung.

Tui cáo trạng ngak iek yau biak, thun 2021, hu 62 likei dam hu ginup prein tame pilih ruah nao nghĩa vụ quân sự thun 2022 nan ye hu ieu, dalam nan hu Nguyễn Văn Nam.

Hadei di nan, Akaok UB bhap bini phường Phú Thạnh, quận Tân Phú tabiak harak ka bruk ieu rahra  nao pasang iek prein yava nghĩa vụ quân sự thun 2022 saong brei bruk ka mBan chỉ huy quân sự phường tabiak harak ieu Nam tame pilih ruah nao nghĩa vụ quân sự thun 2022.

Nam mbaoh tangin taduan mek harak, min tal harei 13-11-2021 lac harei “khám sơ tuyển” ye Nam  plaih nyaik, oh mai hu mbaok saong oh khan brei thau.

Harei 20-12-2021, Akaok UB bhap bini phường Phú Thạnh hu tacei brei “họp tổ dân phố” piah duah thau, pato pakai Nam ka bruk ini. Tapa nan, Nam mboh hu bruk suan di drei saong pagul sanya lac anak tal oh daok ngak yau nan. Tapa thun 2022, Nam ngak njauk tui bruk ieu nao pasang iek prein yava nghĩa vụ quân sự thun 2023.

Harei 20-1-2023, Nam hu harak ieu tame ngak lin thun 2023 min Nam oh nao, oh ngak tui, bo plaih nyaik. Harei 20-2-2023, UB bhap bini quận Tân Phú tabiak harak phạt jien Nam...

Tapa thun 2024, Nam hu pilih ruak nao ngak lin mbang 2. Harei 13-4-2024, Nam hu harak ieu tame ngak lin. Harei 20-4-2024 urang jakar mBan Chỉ huy quân sự phường Phú Thạnh hu yar harak ieu nao ngak lin ka Nam. Nam mbaoh tangin taduan mek harak saong pagul sanya ngak njauk tui. Min tal harei jao lin mbang 2 thun 2024 ye Nam plaih nyaik oh ngak tui bruk ieu nao ngak lin.

Kayua yau nan ye, Hội đồng nghĩa vụ quân sự quận Tân Phú hu payua harak tapa công an quận Tân Phú ieu khởi tố Nam duas plaih nyaik nghĩa vụ quân sự.

Di phiên tòa, VKS ieu kaoh duas Nam meng 6 bilan tal 9 bilan guk ka duas paliah nyaik nghĩa vụ quân sự.

Hadei di nghị án, HĐXX mboh lac VKS truy tố Nam ka duas plaih nyaik nghĩa vụ quân sự lac njauk. Min HĐXX jeng taduan meneing panuac di luật sư likau patrun meneing bruk phạt Nam, piah ka Nam hu tukvak pasiam veik bruk ngak suan, piah jeng menuac kein ka puk paga. Tui nan, HĐXX tabiak panuac kaoh duas Nam 6 bilan guk.

Jeng di mbang ngak iek yau biak ini, dom menuac daong gah adat hukum, dom luật sư, dom luật gia hu peih bruk tacei pato, daong brei saoh gah adat hukum ka bol bhap rahra./.