Tui khoản 1 Paka 630 Hukum Dân sự (BLDS), di chuc njauk hukum brei hu ginup dom asar kadha yau ala ini:

-Urang ngak di chuc akaok daok hadah krah tuk ngak di chuc; oh njauk urang pachot pagat, kataeik greik ngak

- Harak di chuc oh gam tame bruk pakauk di hukum, oh cagar veik bruk diuk rai di manuac sia; bruk di chuc oh suan adat hukum.

 Ngan haong di chuc meng harak ba-ar, urak ini hukum ba tabiak 4 jalan ngak nan lac: Di chuc meng harak ba-ar oh hu menuac ngak chứng; Di chuc meng harak ba-ar hu menuac ngak chứng;  Di chuc meng harak ba-ar hu cong chung; Di chuc meng harak ba-ar hu chung thuc.  

Yaom lac 4 jalan ngak nan jeng hu adat hukum brei ngak, hu yaom gah adat hukum yau gauk, min anak meta mboh lac bruk taduan mbang tui (peih ngak di labik cong chung) jeng yau trước bạ, salih angan ngan haong drap ar lac sang, taneh di labik ngak harak taneh riya meda mbuan jang meyau di chuc hu kong chung atau chung thuc.

Hu dom di chuc yaom lac hu kong chung, chung thuc min bruk taduan mek jeng gaok rilo kan kandah kayua asar kadha dalam di chuc oh lagaih haong dom asar kadha di hukum. Yau ye:

 Paka 644 Hukum Dan su tacei lac urang hu mbang tui oh pagam pambak tame asar kadha di dichuc. Tui nan, dom urang ala ini hu mbang tui drap ar sumu dua dalam klau binah dut haong urang hu mbang tui njauk adat hukum, meyah urang oh hu manuac ngak di chuc brei mbang tui atau tok brei takik jang dua dalam 3 binah drap ar nan:

- Anek oh ka praong jeng dam dara, ame, amaik, diuk, pasang

- Anek praong min oh hu prein ngak bruk.

Asar kadha hu makna lac meyah dichuc oh brei urang hu taduan drap ar atau mbang tui takik jang tanut ba tabiak yau angaok nan, ye urang jeng daok hu taduan mek drap ar.

 Drap ar mbang tui oh lac sang danaok, taneh riya bo daok hu dom drap ar karei tra yau jien payua so patak pataom, co phieu, trai phieu, jien phun buh tame ngak mbang haong D.N…Ngan haong dom drap ar nan, bruk ngak harak gal mbang tui  njauk  brei hu harak gal cambaic laic ka gah kong chung jeng yau dom gah pambak tal yau doanh nghiep, gilang pariak tuk mai taduan drap ar.

Biak di nyu, bruk parabha drap ar tuk hlei jneg mbuan hu bruk meriak gauk. Nan ye, bruk ngak harak gal taduan drap ar brei njauk tui hukum, njauk drap ar, oh padauk menuac mbang tui.

Hukum hu ba tabiak dom adat catang piah khik dom caong khin di urang metai bo daok khik kein laba njauk adat hukum di dom urang hu mbang tui. Meyah dalam tuk ngak harak gal mbang tui bo ngak tui hatai  eng ye meda gaok rilo kan kandah oh thau dahlau, mbuan meriak gauk kan langyah hu./.