Cục An toàn thông tin, Mentri Thong tin saong Truyen thong brei thau, pachot pagat online di Việt Nam jeng daok pambak praong haong rilo jalan ngak dak harei dak kan thau. Yaom lac jabat chức năng haong gah truyen thong gam gam khan brei thau dom jalan pagat online min tal urak ini bruk pagat online jeng daok lac bruk kan langyah. Kol pagat pandar dom kong nghe birau ngak brei kan thau kan mboh jang.

Pak jalan pachot pagat klak min nyu tamuh gilac veik jaik ini ngak ka rilo menuac njauk lah pachot:

Taduan ngak harak gar, salih harak adat peih radaih online piah pagat:

Urak ini, angaok mạng internet bhap bini mbuan duah mboh jit vu ngak harak gal, salih harak adat peih radaih, haong yaom jien sahui meng 400.000 – 600.000 đồng. Kol bleik daok yaih khan lac: Urang khin ngak harak gar ini oh cang nao tal Sở Jalan mbak pajeng ba  piah thaot binguk; toki pabak bản sao dom janih harak saong thaot thẻ. Yau nan min, meyah pandar jit vu ini meda ngak ka bhap bini njauk lah pachot pagat. Kayua bruk pabak thong tin di drei ka urang oh vhian randap meda ngak bfrei bhap bini gaok dom kan kandah yau njauk kol nan klaik mek saong ba pablei thong tin, atau njauk urang karei iew phone ngak sraw.

 Pagat pachot mek yaok rituh trieu dong meng bruk lac pabak jit vu “ visa yaom lap” tui jalan padang website, tai khoan Facebook ja mek angan dom kong ty hu angan je ba menuac tabiak negar langiu ngak bru, ba dom thaot binguk ba urang ngak tabiak mblang kapal haok, ba tabiak rilo danak dak  ngak visa yaom lap. Mboh lap, rilo urang ngak njauk lah pachot.  

Padang website, fanpage ja mek angan Cục An ninh mạng piah pagat jaik ini, angaok mang gam gam mboh dom blah hu angan “Cục An ninh mạng” atau “Cục An ninh mạng saong pacang caga kol tội phạm pandar công nghệ glong” piah ba khaw tin brei thau dom bruk pagat online saong jalan pacang caga; gam haong nan, pabak dom bruk adat hukum daong ka bhap bini yau tacei pato mek veik jien njauk urang pachot, daong langyah dom bruk njauk lah pachot blah mek drap ar. Biak di nyu, kol nyu pambak tame hatai caong mek veik jien di dom urang njauk lah pachot piah pagat mek drap ar.

Mek angan kong an piah pagat urang brei thau ka darp ar, kong an tukvak jaik ini gam gam khan brei thau ka bruk mek angan jabat kong an piah pagat blah mek drap ar di bhap bini. Pagap yau, Kong an quận Đống Đa-Hà Nội birau ini taduan hu bruk sa urang njauk kol pagat mek angan kong an khan lac hu pambak tal bruk blei salih ma túy suan hukum saong rao jien. Kol nyu iew urang nan brei thau drap ar piah brei mboh lac drei oh gam tal bruk nan, bloh hadei di nan pachot mek 150 trieu dong. Cục An toàn thong tin ndom lac: tuk khin ngak bruk haong bhap bini, jabat kong an brei payua harak da-a, harak iew mai atau payua harak tapa kong an labik drei daok. Jabat chuc nang jeng oh iew bhap bini payua jien tame tai khoan gilang pariak.