Sa-ai Lương Thế Tâng, daok di palei 3, xa Quế Phú, Huyen Quế Sơn, tinh Quang Nam, jeng oh ka abih katuak tuk mahit diuk drei njauk kol bleik gat mek 166 trieu dong kayua kapul pakat di online.

Sa-ai Tâng khan lac: “Harei 28.4, dalam tuk dahlak hulin nao ngak bruk di Dak Lak ye diuk drei daok di sang ngak krein haong dom urang angaok Facebook saong jak tut angan piah hu pilih ruah tame sa sang bac Singapore di nagar Viet Nam. Yaom lac yaih khan lac pilih ruah gru pato min blah hala web saong labik haong thaik thaot biak dreih blah web Vietlott, biak mbuan medil min diuk dahlak hulin oh mboh oh thau. Hadei nan hu urang ndom lac drei lac sa urang ngak bruk sua tangi, patui veik plue tame kapul ngak danak dak bruk daok dang mbang ngui, pandar buh jien tui yaok panuac pandar. Tuk diuk dahlak hulin payua taong abih 166 trieu dong saong ndom mayai lac oh daok jien piah buh tame tra o ye di tuk nan kapul nyu cakak oh blei tame blah web veik o saong cakak abih jalan pambuak ndom meyai “.

Harei 1.5, Mentri Kong an daok brei caga kakei ka bruk ngak ja lau gah ngak mbang pablei salih ameh pariak patau chiat jien piah ieu da-a rahra buh jien tame brei pariak khik piah. Dom urang ini blei gilac angan hu angan je piah ngak jeng hatai je ka rahra, hadei nan ba tagok dom rilo kadha vak dreih tai khoan biak di dom angan. Tuk hu urang tangi blei, dom fanpage Facebook ini tok pablei tapa mang xa hoi saong pandar urang bayar abih jien ndap nda dahlau, tok pablei ka dom ndap nda bayar jien dahlau. Hadei tuk mek jien, kapul pagat cakak abih jalan pambuak ndom meyai saong blah mek jien di rahra.

Tapa taong ndai Chongluadao.vn, rilo urang jeng pathau khan ka bruk ngak ja lau fanpage dom sang iek ruak piah likau jien daong urang ruak. Dom urang nan ngak ja thaik thaot meng fanpage dom sang iek ruak praong, hadei nan padang fanpage ja lau haong angan yau nan. Hadei tuk ba tagok kadha ieu jien daong, kol bleik caik gilac lek taka tai khoan gilang pariak di nyu, pagam haong asal kadha “daong kamuan”, “likau bhap bini daong”, caong lo sa bruk gheih”…piah pagat urang pandar payua jien tame tai khoan di kol bleik salih.

Ong Ngô Minh Hiếu, Yam ndok danak dak Chongluadao.vn, brei thau: “Bruk ngak ja ngak lau piah gat pachot tapa jalan online urak ini hu ngak rilo saong ngak biak sanak jak. Gaok mai bahrau ini, kapul dahlak hulin hu duah mboh di sa hala website ngak ja ngak lau he thong majam pacang pagat, pandar jalan angan chongluadao.site piah gat bleik urang. Blah web ini ngak lac drei sa labik taduan dom panuac pathau khan, min biak di nyu ieu lac bruk piah mek khau tin urang menuac yau ye (lek taka phone, tai khoan gilang pariak) piah blah mek drap ar jien padai atau pandar ka jalan ngak chung hukum. Tui langyah meng AI, blah web ini hu taong yaom lac njauk bruk jhak biak glaong (saong mbuan rah tabiak bruk mek khau tin urang menuac tapa dom harak yak, plue urang payua jien tame “kadung jien bao hiem gat”. Abih di nyu ieu lac, jalan link blah web ini daok ba tagok di dom angaok kenh Telegram hu pambuak tal me-in mbia, dui katung urang buh jien tame atau me-in mbia online. Kayua yau nan ye, urang pandar njauk brei pasang iek tani tanat khau tin, oh juai meyao meyit lek tai khoan tuk oh ka thau tantu cambac lac ka urang nan./.