Kuk pakaro khaotin, Mintri Khaotin thong Dakvah brei thau caik hatai caga kon bleik paluo “san sale” (duah yaom trun, yaom chreih) di ralo urang, kon bleik blak tame email, bluh panuac lau mboh bhian di internet yau ye Shopee, Lazada, Tiki.

Mek tui jalan bhian di urang pandar di intenet, kon bleik ngak jeng hala fanpage ja lau atau website ja lau dreih yau hala fanpage asal biak di nyu biak mek "chim hua" tapa bruk yaih ndap nda tui hatai khin. 

Blaoh kon nyu bruh tabiak dom janih kadha brei paluo juo urang dak blei haong yaom jien tame biak chreih ka drei. Dalau di nan Kongti Meta jeng khan brei caga bleik blang dalam bruk blei salih tapa online yau ye di Threads, X, Facebook haong tapak online ye Quora.

Kon bleik bhian ba ralo kadha jeng ye pandar video angaok Internet gam haong buh sap manuac tame (AI) piah yaih ndap nda hong pachot lac kaya ndap nda oh hu ralo. 

Mayah urang brei panuac javap, kon nyu mada ba drei tui tame hala web (gam hong hala mayit Shopify) piah blei kaya dan haong bayar jien ka nyu min oh hu kaya ndap nda drei barau blei.

Dom janih pachreih urang blei dan thong trun yaom jeng hu kon bleik ba tagok Telegram, Facebook thong Pinterest, piah caong paluo juo urang tame hala web ngak pachot jeng ye khin thau manuac urang gah lakei kumei, umo thun, jien padai mek tame, bruk ngak haong jien buh dahlau piah tui tame thuak chram mek meyaom jien ndo. Dom hala ini jeng brei khan dom panuac ja jo di ngak ja lau urang blei dahlau, myai ndom pachot lac mek hu mayaom blaoh “ndom mayai ya piah pachot urang”.

Dang di anak kon bleik salih dak tuk dak mboh ralo di masa jaik abih thun, Kuk karo khaotin, Mintri Khaotin thong Dakvah brei caga tal abih bhap bini njauk caik hatai dalam bruk mayao mayit di online jeng ye di intenet. Langiu di nan njauk caik hatai tal angan je njauk urang blei, pablei jeng ye tal ndap nda kaya ngui dalau si blei kaya ngui pandar, juai payua jien jeng ye bayar jien dahlau peih jalan ka kon nyu bleik mek jien kaya di drei.

Manuac blei kaya ndap nda njauk caik hatai caga, caik hatai khik rup eng angan je lek taka brei ka rup drei yau ye kat can cuoc bhap bini rahra, lek taka gilang baoh sang mbang jien.  Drei juai hu araba hua ndap nda kaya ngui, baoh kadha kaya angui mbuan si mek mbuan si hu, dom kein raba oh ngak blaoh hu.

Caik hatai tuk payua jien, juai brei lek taka OTP brei ka urang drei oh thau krein; njauk caik hatai jeng ye njauk ieik ka tani tanat dom baoh kadha mai meng intenet jeng ye ieu phone pang phone tui jalan rayak intenet blaoh drei oh thau cambac phun jung di nyu./.