Dalam bruk peih radaih di jalan mbak, dalam nan mboh di dom ban praong ban sit ban raya hu rilo radaih praong, oh takik urang laik tame bruk daok tukvak gom hijao min salih tapa gom bhong marah katuak. Atau yau bruk di sa rahra yau ini: “Dahlak ta-eng drei nduac samar drah oh maong mboh truh abih, tok 2-3 minit min jeng jeng nduac tapa gom merah bhong. Min jeng hu tuk dom ralaoh njauk pacang meng phun, radaih nduac dahlau pacang drei, urang nduac dahlau drei nduac hadei nan drei jeng nduac tapa gom bhong, oh njauk drei khang tai nduac yau nan”.

Ndom ka asal kadha ini, Thuong ta Tạ Thị Hồng Minh, Phaok akaok Jabat Tacei ba pathau khan pasang iek bruk gaok bala jalan mbak, Kuk Polih Canh sat Jalan mbak brei thau makna di asal kadha ini yau: “ Di dom gom jalan mbak klak njauk ba meng tangin oh peih taeng hu. Atau di dom gom daok mbeik gilac tukvak meng biar tapa glaong atau cagar veik, kayua nan lac brei hu dom bruk suai. Piah pasiam veik, Kuk Canh sat Jalan mbak hu pato tacei polih kongan bhum palei pasang iek pasiam veik gom jalan mbak samar drah pasiam dom gom klak…”

 Pambuak tal bruk taong bhat dom urang nduac tapa gom merah bhong, rilo urang suh sah tuk daok dang radaih anak gom merah bhong, min radaih radaih ein brei nduac tapa daok di likuk nan drei brei njiat tagok piah ka radaih nan nduac tapa lac hu gaok taong bhat halei oh. Atau daok dang radaih di gom merah bhong min Canh sat polih Jalan mbak brei nduac tapa hu njauk taong bhat halei oh. Tui Hukum Jalan mbak ye urang peih radaih di jalan mbak brei ngak tui dom bruk kakei brei mboh dahlau di jalan mabk yau ye: Bruk kakei brei mboh dahlau di urang peih nduac raddaih; Gom jalan mbak; Ralaoh tacei jalan mbak; Cih jalan haong dom nem karei angaok mbaok jalan. Thuong ta Tạ Thị Hồng Minh, Phaok akaok jabat Polih Pato tacei pathau khan pasang iek langyah bruk gaok bala jalan mbak, Kuk Canh sat Jalan mbak, brei thau:“Tuk ngak harak brei ka bruk taong bhat ye kapul khik iek gom jalan mbak pambuak haong Polih Canh sat Jalan mbak di balai peih camera thaik thaot nduac suan hukum saong brei iek bruk nduac suan hukum saong gom jalan mbak di tuk nan. Taong bhat hadei ye Polih Canh sat Jalan mbak jeng brei ka urang nduac chung tui hukum maong iek clip. Bruk urang nduac radaih eing brei ka radaih njauk ein brei nduac tapa, radaih pajeng daong urang ruak samar chip ye oh njauk taong bhat”./.