Paka 31 Sarak 35 brei adat, Pakat So Jalan mbak – Pajeng ba (GTVT) ngak bruk pabak harak Adat brei peih nduac radaih (GPLX) tui taka 01 hu ba tabiak pagam Sarak tui thông tư meng harei 1/1/2025 tal abih harei 31/12/2025. Harak Adat brei peih nduac radaih bahrau dreih yau harak brei peih nduac radaih brei adat urak ini.

Thaik binguk di urang peih nduac radaih hu cuak di sambo bar hijao harak. Hu tal me-aom pacang khik 2 mbaok di harak Adat brei peih nduac radaih. Phôi hu ngak meng pandap PET, atau dom pandap hu tieu chuan ky thuat samu, bingu hala kanyik pong saong dom tanut khik rup.

Harak adat brei peih nduac radaih taka 01 bahrau ndom mayai tal tok pandar meng harei 1/1/2025 tal abih harei 31/12/2025. Meng harei 1/1/2026 brei pandar harak brei peih nduac radaih karei tui harak taka 02, ba tabiak pagam tui Sarak 35.

Sarak di Mentri Jalan mbak Pajeng ba jeng hu ndom mayai cambaih laih, oh salih harak brei peih nduac radaih ka dom bruk yau harak brei peih nduac radaih oh daok dalam he thong khau tin di Kuk Jalan mbak Viet Nam; urang ngak suan hukum jalan mbak, pakaro jalan mbak oh ka brei jien taong bhat (meyah hu).

Dom bruk salih harak brei peih nduac radaih tapa mẫu bahrau

Yam ka 1: Caga dom janih harak gar hu: Harak likau salih (pabak veik) harak brei peih nduac radaih tui jabat brei. Harak pasang iek prein yava daok masa pandar (langiu di urang hu harak brei peih nduac radaih pakat A, A1, B1). Harak karei dreih yau nan? harak karei dreih yau nan online (hu mbaoh tangin). Passport daok masa pandar (ngan haong urang negar langiu atau urang Viet Nam daok di negar langiu).

Yam ka 2: Urang likau salih brei payua tapak atau payua tapa jalan mayit mayao karja online tal Karja So Jalan mbak Pajeng ba. Meyah buh harak gar tapak ye brei cuak thaik binguk tapak di jabat pabak harak brei peih nduac radaih saong bayar jien tuk nan tuk hu taduan harak gar.

Daok harak gar tapa yitvu maya mayit jabat karja, hadei tuk kuhria ba tabiak tui tacei ba brei bayar jien pabak harak brei peih nduac radaih tapa bruk bayar jien di jabat mayit mayao yitvu karja online saong bayar jien pandar yitvu karei tui hatai caong. Tuk taduan harak brei peih nduac radaih bahrau ye brei buh harak bi-ar klak piah khik harak gar.

Yam ka 3: So Jalan mbak Pajeng ba harak gar saong pasang iek harak gar

Daok adat harak brei peih nduac radaih oh daok dalam urang brei hu salih harak gar atau harak gar oh njauk adat ye brei pathau khan tapak atau meng harak gar tapa jalan mayao mayit karja meng online dom asal kadha brei pabak atau pasiam veik atau salih ka urang dalam 2 harei ngak bruk, kuhria meng di harei taduan mek harak gar.

Yam ka 4: Dalam 5 harei ngak bruk, kuhria meng harei taduan mek harak gar njauk tui adat, So Jalan mbak Pajeng ba ngak bruk salih harak adat brei peih nduac radaih. Bruk oh salih ye brei javap calei meng harak gar saong ndom mayai brei ka cambaih laih angan kadha makna di nyu.

Yam 5: Jabat pabak harak hu khik piah harak gar likau salih harak adat brei peih nduac radaih dalam 2 thun kuhria meng harei pabak saong mek gilac harak brei adat peih nduac radaih klak meng dahlau.

Meyah salih harak adat brei peih nduac radaih meng online ye urang peih nduac radaih brei payua harak brei adat peih nduac radaih klak tal jabat pabak harak brei peih nduac radaih piah yah klak tui adat. Langiu di bruk salih ka urang hu harak brei peih nduac radaih daok dalam tukvak njauk jabat mek gilac harak adat brei peih nduac radaih.

Meyah hu hatai caong khin salih harak adat brei peih nduac radaih trun pakat biar jang ye urang peih nduac radaih njauk brei khan cambaih laih di dalam harak likau salih (pabak veik) harak brei peih nduac radaih, adat di hala Phụ lục ba tabiak pagam tui sarak ini saong ciuk bruk di drei ka asal kadha kuhria ba tabiak.

Yam ka 6: Bruk bayar harak adat brei peih nduac radaih: Bruk bayar harak brei peih nduac radaih hu ngak di jabat taduan harak gar tapa mayao mayit jabat ba payiain harak gar tui hatai caong. Meyah buh harak gar tapa mayao mayit karja, harak brei peih nduac radaih hu bayar ka njauk urang salih harak brei adat peih nduac radaih./.