Dom tanut njauk piah ngak bol lin hu dom adat caik yau ini:

Tanut thun umo: Urang hu ginup umo meng 18 thun tal abih 25 thun; Urang likei dam hu ilamo pakat Cao dang, dai hoc hu brei padeih bruk ieu ngak bol lin dalam tukvak dom dam dara daok mbang bac ye brei pilih ruah saong ieu ngak bol lin tal umo 27 thun.

Tanut prein yava: Oh brei tame ngak bol lin ka dom urang me-in dom janih jru aphil atau dahlau daih hu me-in jru aphil. Hu adat hukum ka bruk ini di sarak Nghi dinh 57 di rajaei brei adat ka dom bruk bruk me-in jru phil atau dahlau daih hu me-in jru phil.

Oh ieu ngak bol lin dom urang hu prein yava janih 3 gaok kan kandah ka meta (yau ye bang can thi 1,5 diop ba tagok, vien thi di dom tanut).

Tanut ilamo: Pilih ruah haong ieu ngak bol lin dom urang hu ilamo tal 8 ba tagok, mek meng urang bac glaong trun biar. Dom bhum palei gaok kan kandah oh hu ginup urang nao tame ngak bol lin ye khan brei thau ka gah pasang iek, brei pilih ruah dom urang bac tal tal 7.

Dom xa bhum atah bayah, bhum kinh te – xa hoi daok biak kan kandah tui adat di hukum nagar; mikva urang bangsa takik daok mala 10.000 urang ye hu pilih ruah oh rilo tapa 25% urang hu ilamo pakat tieu hoc, daok veik ye lac ilamo pakat trung hoc co so ba tagok.

Thun 2025 brei ngak bruk pilih ruah saong ieu urang nao ngak bol lin 1 mbang. Tukvak jao tok bol lin meng harei 13 tal abih harei 15.2.2025. Kayua yau nan, thun 2025, urang hu tagok jalan nao ngak bol lin hadei di raya Tet akaok Nguyen dan.

Pilih ruah saong ieu urang kamei ngak bol lin:

Langiu di kein lagaih, tanut ka bruk pilih ruah saong ieu dom urang likei ngak bol lin, daok urang kumei njauk brei hu harak likau tame duh dalam gah tame ngak bol lin, hu amaik ame dalam sang saong UB Bhap bini pakat xa, labik urang kumei nan diuk rai brei tapa saong pabak samu dom kein lagaih, tanut cambaih laih yau ye:

Thun umo: Meng hu ginup umo 18 thun tal abih 25 thun; urang tamat blaoh ilamo pakat cao dang, dai hoc ye umo tal abih 27 thun; oh ka tok diuk tok pasang, oh ka hu anek bik.

Prein yava: Hu ginup tanut prein yava janih 1, janih 2 tui adat di Thong tu lek taka 105 di Mentri Caga negar; mek urang glaong meng 1,6m ba tagok, rup pabhap gap mbiah, thaik thaot mbaok meta siam lagaih.

Ilamo gah ky thuat: Tamat blaoh bruk pato pakai pakat mateh ba tagok; brei caik dahlau ka dom urang tamat blaoh dai hoc, cao dang hu bruk pato pakai njauk haong hatai caong pandar dalam bol lin. Bruk hu naih joi ye brei ngak tui adat hukum di Mentri Caga negar. Pilih ruah dom urang tamat blaoh dai hoc, cao dang hu mbaok tame ngak bol lin.

Tuk pilih ruah dom bhum palei brei njauk caik hatai yau ye:

Caik hatai bruk pilih ruah dom urang tamat blaoh ndai hoc, cao ndang hu bruk ngak njauk haong hatai caong ramik, pandar piah pilih ruah hu urang tame ngak bol lin hu siam glaong, pabak samu ka bruk padang bol lin dalam bruk bahrau.

Pilih ruah anek kamuan bhum mikva urang bangsa takik (mala 10.000 urang) piah ngak jeng urang jakar pakat bhum palei; khik kajap bruk taong abih xa, phuong, ban sit jeng hu urang nao ngak bol lin; brei caik dahlau tanut pilih ruah bol lin njauk haong yaok bhum palei pagam haong labik jak ba dom labik tal pakat huyen.

Ngak bruk pilih ruah haong angan “pilih ruah urang halei ka kajap urang nan”; brei takik bruk pabak salih, jao bayar hadei tuk jao mek tame bol lin. Pambuak, brei kein lagaih daong dom labik njauk thau tanat: klau janih taom gaok, pak janih brei thau” saong dom laik hu jao tanut pilih ruah urang dara kamei ngak bol lin ka njauk adat njauk hukum./.