Hadei jaik 2 thun peih ngak sami samar, mbiah tal ini, danak brong ia Nguyễn Tấn Thành di tỉnh Tiền Giang hu yaom 518 tỷ đồng hu ngak salah blaoh, ba tame pandar. Ini lac brong pacang ia mbak, khik ia taba praong ka 2 di Pei negar, hadei brong ia Cái Lớn - Cái Bé di tỉnh Kiên Giang. Brong ia ribong Nguyễn Tấn Thành piah pacang ia mbak, khik ia taba, pacang hu dahlau ia ndik, peih kareik ia  ka dom bhum palei  di Tiền Giang saong meneing di tỉnh Long An. Langiu di nan, Tiền Giang daok hu 6 brong pacang ia mbak di dom pabah ribong ia tabiak kraong Tiền.

Kapul Urang ngak nong tinh Ben Tre bahrau padang tabiak “Kalup kapul 5 gah” dalam nan hu karja, urang ngak nong, urang ngak khoa hoc, urang vak, urang ngak mbang lac doanh nghiep. Tapa bruk ngak di “Kalup kapul 5 gah” hu ngak talei mbuak khang kajap di urang ngak nong haong urang ngak khoa hoc, urang ngak mbang, karja, urang vak, rik prein paglaong yaom kaong pandap panda nong, parilo jien mek tame ka rahra. Banyuer ini, Kapul Urang ngak nong Bến Tre peih tabiak bruk rik “Kadung jien daong rahra”. Hadei 10 thun peih ngak, kadung jien daok peih ngak 212 danak dak, hu labaih 3.000 baoh sang hu mesraiy. Dom baoh sang mesraiy pandar jien meraiy njauk hatai caong, siam lagaih, brei bruk ngak ka urang ngak dalam palei pala, daong mikva tani tanat raidiuk.

Tui Cục Thủy sản, hadang 9 bilan tapa hu labaih 234 ribau tấn, tagaok 1% dut saong tukvak ini thun dahlau. Yau nan min, bruk raong hadang daok gaok kan kandah veik kayua jien buh tame ngak tagok glong; bruk ngak tabiak sit sot, laman lamuac oh hu karo. Cục Thủy sản taong yaom, thun ini langik tasik kan thau dahlau ngak khat lahik ka gah pala raong kaya kan dalam ia, mbuan tamuh jit ruak. Khat lahik gah raong kaya dalam ia ralo lac gah raong hadang ia meteh mbak metah taba, dalam nan ruak baoh hatai saong bingu patih lac cuang kandah ka urang raong hadang.

Ngan haong kadha “Ikam pra Dong Thap – Jalan ngak hijao – Yaom hijao”, Harei roya Ikan pra Dong Thap – thun 2024 hu brei rah tabiak dalam 2 harei meng harei 16 - 17/11 anak tal, di ban Hồng Ngự. Harei roya jeng hu mbaok di dom bhum raong ikan pra yau: An Giang, Cần Thơ, Vĩnh Long, Bến Tre, dom kapul, doanh nghiep, labik ngak ba tabiak, hop tac xa, urang raong ikan hadang…Ikan pra hu raong rilo meng lac di Bhum taneran kraong Cuu Long haong rilo labik che bien ikan pra haong abih tih cong suat thiet ke kuhria hu  1,5 trieu tan ikan daok tamo sa thun.  

Tui Mentri Ilamo, Padhih saong Yulit, di negar hu labaih 7.900 roya rija adat cambat. Dalam nan, rilo bangsa takik daok khik dom ilamo siam gheih. Piah peih ngak siam bruk khik ramik saong patagok ilamo bangsa, bruk peih ngak dom rija roya tukvak tapa hu Mentri Ilamo, Padhih saong Yukit caik hatai  peih ngak gilac veik dom ilamo di dom bangsa, tapa nan bhap bini dom bangsa takik hu taom mbaok, bac megru di gauk, khik ramik ilamo siam gheih di bangsa. Abih di nyu nan lac, tapa dom rija roya, bruk  yulit  di ralo bhum palei dak harei dak patagok. Dalam nan, dom rija roya daok dak harei dak  hu jeng  pandap yulit  piah tuai damuai mai rivang iek.

Dalam 9 bilan akaok thun ini, Trung Quoc hu mboh bruk tut angan tok diuk tok pasang trun khang. Tui nan tok hu labaih 4,740 trieu yut yau hu tut angan tok diuk tok pasang dalam negar Trung Quoc. Bruk ini trun 943.000 mbang dut saong tukvak ini thun 2023. Bruk kinh te dak harei dak srau kadau saong jien mbang daok tagok glaong ngak rilo yut yau kadun padeih bruk tok diuk tok pasang. Ini lac bruk njauk duh hatai ngan haong dom urang ngak hukum daok jhul dom sarak piah parilo urang menuac daok trun di taneh ia ini.

Ceik pui di tinh Đông Nusa Tenggara di Indonesia birau pruh, bau ging  saong patau pandiak meng ceik apui  tame dom labik daok di bhap bini atah di ceik apui labaih 4 km, khuah mbang saong ngak khut ralo baoh sang, sang bac. Karja brei panduan ba rahra daok di dom palei jaik nan nao daok labik karei chip. Tal tukvak ini, takik di nyu 9 urang metai, yaok pluh urang karei njauk rambuac. Jabat chuc nang iek rahra saong tuai damuai plaik njiak atah ceik apui 7km.

Karja ban Lahore, ban praong ka dua di Pakistan hu brei kareik dom sang bac tieu hoc dalam sa adit piah khik kajap prein yava ka uranaih kayua njom nerak langik tasik haong dhun mun glaong abih meng dahlau mai ngak kan kandah tal prein yava. Urak ini chi so chat luong kuhria hu glaong tagok 3 mbang tanut kan kandah. Dhun mun ngak kan kandah tal prein yava glaong tagok 40 mbang dut saong tanut chuan di Gah Y te dunya.