Tui Mentri Cong thuong, dom blah web pablei salih online negar langiu mayah ka oh tut angan brei adat pandar di Viet Nam meda oh hu dom jabat chuc nang pasang iek ka chat luong ndap nda atau atau sanya ka bruk ngak pasiam veik ndap nda. Kayua yau nan ye, dalam tuk pablei salih hu rahtabiak dom bruk oh yau hatai caong, urang blei pandar meda mbuan gaok dom kan kandah.

Pagap yau, tuk mboh pandap panda oh njauk haong meyaih khan, mbaih mbaoh atau pandap panda njauk khut, oh hu chat luong, meda mbuan ngak kan kandah tal tal bruk salamat, ngak jhak tal prein yava, bruk urang blei pandar ieu kakei bayar veik atau ngak pasiam veik ndap nda meda gaok cuang kandah. Gaok mai, tuk rah tabiak bruk meraik gauk, dom nen tang pablei salih online negar langiu oh ka tut angan lac oh njauk taduan bruk ngak atau kaoh duas.

Kayua oh hu gah lambaok njauk hukum di Viet Nam tui adat, urang blei pandar gaok rilo kan kandah dalam bruk khan brei thau, ba tal bruk langyah dom panuac khieu nai jeng lac sa bruk cuang kandah saong dui atah.

Bruk Njauk caik hatai nan lac, dom bruk caga oh khik salamat ka khau tin, dữ liệu di urang blei pandar. Kayua tuk blei pandap panda di mangaok web pablei salih online negar langiu oh ka tut angan, urang pandar bhian brei pabak dom khau tin bayar jien hu di dunya yau thẻ tín dụng atau khau tin kadung ndien tu.

Dom du lieu ini, meyah oh hu khik ramik saong pacang khik tui dom adat di hukum Viet Nam ye meda mbuan lahik atau mbuan ngak suan adat hukum, ba gaok bala ka bruk khik kajap khau tin urang menuac.

Abih di nyu nan lac, web pablei salih online negar langiu oh ka tut angan ye oh hu sanya khik kajap khau tin urang pandar tui adat hukum di Viet Nam, oh hu jalan langyah dom bala dalam bruk rah tabiak bruk oh siam saong jeng oh taduan bruk ngak di drei tui adat hukum di Viet Nam. Kayua nan yau nan ye, mbuan lahik khau tin, du lieu urang blei pandar dalam tuk blei ndap nda di mangaok web pablei salih online oh ka tut angan lac biak praong, meda mbuan ba tal khat lahik biak praong saong ngak kan kandah suai atah tal urang blei pandar.

Langiu di nan, Kuk Karja jeng kakei urang pandar njauk caik hatai ka dom bala mbuan gaok tuk blei ndap nda di mangaok web pablei salih online negar langiu oh thau dahlau hu dom bruk kak jien je ngan haong pandap panda blei tame taneh ia Viet Nam. Bruk ini meda ngak ka urang blei pandar gaok cuang kandah tuk pandap panda khik gilac veik di pabah mbang negar atau kak dom yaom jien rahtabiak kayua kak je oh hu kuhria dahlau atau oh yau pathau khan meng akaok meti.

 Mentri Cong Thuong daok samar drah brei pasang iek taong abih saong hu dom jalan langyah ngan haong dom web pablei salih online haong negar langiu yau ye Temu, 1688 saong Shein piah khik dom blah web ini ngak njauk tui dom adat hukum tuk peih pablei di Viet Nam./.