Tui Kuk Pakaro khau tin, urak ini mada hu tamuh tabiak sa kapul mek angan Kuk Dang kiem Viet Nam piah pachot pagat piah co piah blah jien di angaok mang xa hoi urang hu angan dalam nan (MXH). Tui Kuk padang angan, angan jien di gilang pariak taduan meng 10.000 tal 23.000 dong hu bayar meng dom angan jien yaok urang, abih tih jeng hu brei mboh cambaih laih asal kadha di dalam bruk bayar jien. Hadei di tuk pasang iek, Kuk padang angan Viet Nam brei thau mboh, urak ini daok rah tabiak kapul urang ieu phone ka angan po tai khoan khan brei thau lac kuhria meng harei 01/10/2024, Kuk padang angan Đăng kiểm salih mata tem saong ndom mayai haong angan po tai khoan lac meyah khin salih mata tem bahrau ye njauk bayar 10.000 đồng/tem haong jien pajeng ba 23.000 dong, bayar tame angan tai khoan di Kuk. Njauk caik hatai lac, kol nyu daok tacei ba dom angan po tai khoan tame sa jalan link ngak lau ngak ja website Kuk padang angan Dang kiem Viet Nam piah khan brei thau khau tin di drei. Tuk po angan tai khoan tame jalan link, mbuan mek lahik khau tin di drei, mek pandar tai khoan piah paoh blah mek ndap nda jien padai drap ar di drei.

 Jeng dreih yau nan, mikva brei caga tuk pablei salih angaok intenet mang xa hoi. Kol nyu ngak tabiak dom hala web MXH lau ja, ba tagok dom thaik thaot pandap panda saong yaih khan pablei haong yaom biak lap biak biar . Njauk caik hatai lac, dom angan tai khoan di urang pachot pagat oh hu khau tin cambaih laih. Langiu di nan, urang pachot pagat daok tame dom kapul nyaom piah yaih khan pandap panda haong asal kadha biak pachreih hatai urang pandar. Tuk hu urang blei pandap, kol nyu pandar bayar jien takai blaoh cakak tuai pandar piah co mek jien.

Langiu di nan, barau di ini mada mboh gam gam rah tabiak bruk ngak ja dom Mbang padang danak dak me-in, danakdak pakacah nduac piah ba tagok dom khau tin oh njauk piah co blah drap ar di manuac pandar, Pagap ye barau meng blaoh, Mbang padang danakdak pakacah nduac hu angan "Nha Trang Night Run Sanvinest - Harak Khánh Hòa 2024" gaok kan kandah kayua sa kapul pachot lau co ngak ja piah ba tagok dom khau tin oh njauk piah pachot co dom urang pakacah nduac. Bruk di kol nyu ieu lac padang dom Fanpage ja lau maong biak dreih yau Fanpage biak, ngak ka rilo urang je tui tame. Tuk urang “njauk laik tame”, nyu pandar bayar dom paok jien yau ye: jien hu mbaok tame danak dak, jien tame danak dak, atau Dom jien karei piah paoh blah piah co.

Dang di anak di dom bruk pachot pagat lau yau nan, Kuk pakaro khau tin pachreih dom urang brei caga tani tanat tuk pablei salih angaok intenet MXH atau tapa jalan online; oh pang saong oh ngak tui janih tacei ba di dom urang bo drei oh thau thei, oh krein. Njauk caik hatai oh bayar jien tame dom tai khoan oh cambaih laih angan piah caga nyaik bruk paoh blah co ndap nda drap ar di drei; oh brei khau tin di drei ka urang tui jalan halei; oh tame dom jalan link di urang drei oh thau oh krei bein, atau mek trun dom janih brei pandar oh thau meng halei mai; oh rabha lek angan jien di drei jeng ye, OTP, mat khau... Dalam sahaneng lac pachot pagat, rahra brei khan ka jabat karja atau kapul pasang iek tuai pandar piah hu daong, langyah saong pacang cakak samu.