1. Peih radaih patuh pajieng anek naih umo 6 thun tagok daok gah anak taong bhat 10 trieu ndong

Pasang tui kadha h paka 9 Panuac 7 Sarak Nghi dinh 168/2024/NĐ-CP, hukum hu khan yau ni:

Bhat jien, kaoh tanut harak peih radaih di manuac peih moto, radaih patuh, dom radaih yau moto, saong dom radaih yau radaih patuh suan hukum di jalan:

Taong bhat jien meng 8.000.000 ndong tal 10.000.000 ndong manuac peih radaih ngak suan hukum yau ni: Daok gah likuk gavang tangin tabiak anak peih radaih, oh kuhria ka bruk pajieng anek naih umo ala 06 thun daok anak.

Tui nan, meng thun 2025 ini tal anak urang peih radaih patuh njauk taong bhat jien meng 08 – 10 trieu ndong mayah pajieng anek naih umo 6 thun tagok daok gah anak radaih.

Taphia di nan, ngan haong dom bruk yau ngaok nan manuac peih radaih patuh njauk chap mek harak peih radaih meng 10 – 12 bilan (tui tanut b paka 12 Panuac 7 Sarak Nghi dinh 168/2024/NĐ-CP)

Langiu di nan, manuac peih radaih daok likuk gavang tangin tapa uranaih daok anek naih umo ngaok 6 thun piah peih radaih bo ngak bala labuh radaih angaok jalan mbak nan njuak kaoh trun 10 tanut di harak peih radaih (tui tanut d ka 13 Panuac 7 Nghi dinh 168/2024/NĐ-CP)

2. Dom bruk hu brei pajieng ralo abih 02 urang ngaok radaih moto 02 baoh, radaih pagam mac meng 2025?

Pasang tui Panuac 33 Hukum Khik salamat jalan mbak 2024, urang peih radaih moto 02 baoh, radaih patuh tok pajieng sa urang, min oh kuhria dom bruk ni mayah pajieng ralo abih dua urang:

-Pajieng manuac nao sang iek ruak samar chip

-Pajieng urang ngak suan hukum

-Uranaih umo ala 12 thun

-Urang taha atau urang jaoh jo

3. Hukum ka bruk peih radaih jalan mbak?

Pasang tui Panuac 10 Hukum Khik salamat jalan mbak nao mai 2024, hukum tuk peih radaih di jalan yau ni:

-Manuac peih radaih di jalan nao gah hanuk tui jalan di drei, nao njauk jalan, gah jalan tui hukum, ngak tui tacei pato di jalan mbak saong dom hukum jalan karei.

-Urang peih radaih saong manuac hu pajieng di radaih oto nao caik talei ndai salamat di labik hu dom talei ndai salamat tuk peih radaih.

-Tuk pajieng uranaih umo ala 10 thun saong glaong ala 1,35 met ngaok radaih o tô oh brei uranaih daok kik taphia manuac peih radaih, oh kuhria oto tok hu sa talei kik; urang peih radaih pandar, ngak tui jalan tacei pataow di pandap thiet bi salamat ka anek naih.