Urang nong dok palao rong di gah langiu 

Piah hu pandap mbang ginup rong palimek 18-20 drei kubau, limo dalam tuk lingik li ar di bilan brak lac bruk biak kan. Min ngan saong saai  Chu Văn Đoàn daok di palei  Bùng, xã Nhã Nam, huyện Tân Yên (Bắc Giang) lac meda ngak hu. Saai Thắm - duik saai Đoàn khan lac,  duik pasang saai kak kajap hong bruk rong kubau limo atah di ni labaih  10 thun  song  kinh tế di sang pagam pambak tame bruk ni .

Thau hu bruk kubau, limo labuh ruak dalam bilan brak lac kayua bruk iek glang di po sang oh siam, var ro oh ginup sre, pasah, nan ye thun halei duik pasang saai jeng kuhria caga biak tani tanat ka var ro, pandap mbang song samar ngak siam dom bruk iek glang tapol kubau, limo dahlau di tuk tame bilan brak  

Meng tapol kubau, limo, hu tuk tagok tal 20 drei ye bruk caga ginup pandap mbang hajao yaok thun lac bruk biak prong. Kayua yau nan ye, langiu di bruk kaoh tabiak sa binah taneh ngak nong piah pala hareik song pala tangei ka kubau, limo mbang ye duik pasang saai dok hu pala hareik di abih dom mblang taneh klaak saoh.

Urak ni, sang di saai dok pala pajaih hareik VA06, hareik tangei, hareik  Ruzi kayua urang jakar ilamu di pasak pachreih nong tỉnh tacei, daong. Nan lac dom pajaih hareik hu năng suất glaong, hu tuk vak kaoh  mek lavik,  2-3 thun hadei meng pala veik. Tuk hareik tamuh khang yau bilan pandiak, pandap mbang hu biak rilo, sang saai bhian mek hareik, harom song phun tangei ba cambu thu khik piah ngak pandap mbang ka limo kubao. Yaok thun duik pasang saai bhian hu mbaok tame dom tal pasram megru ilamu  kỹ thuật kayua pasak  Dịch vụ Kỹ thuật ngka nong huyện, Pasak pachreih nong tỉnh peih tabiak nan ye hu bac megru song ngak tui biak rilo dom ilamu  kỹ thuật bahrau ba tame bruk rong glang yau pa uak mesam pandap mbang, pa uak harei song urê atau ngak liman phun tangei, ngak liman pong brei kubau, limo mbang./.

Urang lang: Hanipha- 27/11