Urang nong sangka phun bingu piah pablei Tết

  Di bhum pala bingu daok dalam phường Thắng Lợi, Ban sit Pleiku, tal tukvak ini, rilo sang bein daok thuvi thuvar ngak hareik, pruh ia, padang gai ka dom phein bingu cúc. Ong  Hoàng Văn Yến daok di tổ 8, phường Thắng Lợi brei thau, thun ini sang ong pala hu 4.500 phein bingu cúc đại đóa, cúc phalê. Langik tuk ini biak lagaih, nan ye dom phun pajaih pala trun jeng tamuh tagok njauk tukvak.

Tui ong Yến, piah ka binguk siam, praong, dhar lamek brei sangka iek glang tani tanat meng bilan camereip trun pajaih. Tuk phun cúc daok sit, bruk ngak taneh brei tani tanat oh ngak khut gha phun. Meyah khin phun cúc hu dhar lamek, bingu praong ye juai cataik caduk bo brei cakak klak abih dom dhar tamuh meng pa-ak phun, khik veik meng 1-2 bingu di phun. Phun bingu hu tui iek sangka gam saong langik lagaih ye yaom pablei glaong jang. Kayua yau nan ye, meng akok bilan 10 mbiah tal ini, yaok harei ong pah meng 2 tal 3 urang piah iek glang phun bingu. Ngan saong dom bein pala rilo janih bingu yau vạn thọ, thạch thảo, hướng dương…ye langik tuk ini biak lagaih, bingu tamuh siam, takik ruak, takik halak. Sang sa-ai Hoàng Minh Ngọc hu labaih 20 thun kak kajap haong bruk pala binguk khan lac, thun ini  sang ông pala hu 25.000 phun bingu layơn, 3.000 phein bingu hồng, 2.500 phun bingu trạng nguyên, labaih 5.000 bingu cat tường, 8.000 ly ly saong labaih 10.000 phien bingu cúc. Pala bingu layơn takik galih glar, njauk brei sangka tuk buh khak, pruh ia, ngak hareik saong apcang cag ruak halak halin, abaih di nyu lac ia kakuan. Phun bingu tamuh siam yau nan ye thun ini jien buh tame pala binguk Tết di sang ong abih takik. Piah phun bingu tamuh siam ye bruk ngak taneh, pambu taneh dahlau tuk pala nan lac bruk biak praong./.

Urang lang: Ái Nghiêm - 4/12