Pala bimao hu labaih 3thun ini mai, ong Huỳnh Minh Kiểu daok di xã Bình Hòa, huyen Châu Thành, tỉnh An Giang lac sa urang naih joi bruk pala saong ngak phôi nấm bào ngư, bimao linh chi.

Ong Kiển brei thau, mboh ralo urang pala bimao hu laba rilo min kan duah hu labik blei phôi siam nan ye ong Kiển mek 2.000 met vong taneh ngak ging am kriak dahlau diajh piah ngak phôi bimao. Thun 2015, ông Kiển meng duah thau ilamu ngak phôi pajaih bimao, duah thau ka bruk tamuh tabiak saong praong tagok di bimao linh chi, bimao bào ngư. Hadei di nan, ông buh jien tabiak ngak labik pala saong labik cấy meo piah ngak phôi bimao pajaih saong ngak hu siam, pablei ka mikva urang nong dalam palei saong langiu tỉnh. 

 Tui ong Kiển, piah hu phôi siam brei ngak catang meng pilih ruah nguyen lieu tal bruk cấy meo pajaih bimao. Camereip abih nao blei mạt cưa meng phun cao su piah phôi tamuh siam, blaoh ủ mạt cưa, brei mạt cưa tame kadung nilong, bluh kadung ni-lon dalam lò hấp nhiệt, blaoh cấy meo pajaih bimao tame…Ong Kiển khan lac: yaok sa bruk ngak brei tui iek tani tanat, abih di nyu nan lac bruk cấy meo bimao hu ngak dalam bilik hacih sa-at meng tia cực tím. Langiu di nan, bhian brei ngak hacih piah bimao tamuh siam oh njom ruak.

  Urak ini, labik di ông Kiển hu ngak dom janih bimao pajaih yau ye: Bào ngư xám, bào ngư Nhật saong linh chi tui caong khin di mikva, kuhria rah tapa yaok adit labik ngak bimao di ong hu pablei hu labaih 5.000 kadung phôi bimao pajaih dom janih.

Langiu di nan, ong Kiển daok ngak trại piah tuan saong kaoh bimao, kayua tui ong, trại bimao meda daong ka drei iek hu bruk cak rok di bimao pajaih drei ngak tabiak, tui nan drei pablei ka urang dom bimao siam, duah hu jien piah mek katut raong atah. Langiu di nan, ông Kiển daok roh duah pala iek bonsai, bimao linh chi pablei ka urang takre bonsai, urang blei caik duk bilik ngak bruk saong pablei darak tết.

  Daok pala 10.000 kadung phôi bimao, ong Nguyễn Minh Tâm (xã Bình Hòa, Châu Thành) brei thau, bruk pala bimao brei tari tarieng, tani tanat dalam yaok bruk ngak. Tui kuhria, labik pala  bimao praong 10met vuong meda pala hu 1.000 kadung phoi. Labik pala brei lanieng lahei, oh brei ngin yuk tapak tame kadung phôi, gah lingiu hu halam pacang côn trùng par tame palai pajua bimao…Tuk phôi jaik tabiak bimao, bhian pruh ia khik brei nhiệt độ meng 28- 30C, tuk phôi tamuh jeng bimao, pruh rilo ia jang piah khik tathak, phun bimao rak rilo, praong siam.

 Tukvak paik mek bimao bào ngư dui atah meng 4 tal 6 bilan sa vụ, tui janih bimao. Kuhria rah tapa, sa kadung phôi bimao pajaih 1,5kg  mek hu 350gr bimao sa vụ. Yaok thun, meda pala hu meng 2 tal 3 mbang,  yaom pablei bimao meng 27.000 tal 30.000 đồng kg, duah jien tame tani tanat.

Urak ini, brukpala bimao mbang, bimao ngak jru di huyện Châu Thành daok cak rok saong ba mai rilo kein laba glaong. Dalam huyen hu labaih 45 baoh sang pala bimao bào ngư, bimao pong saong bimao linh chi./