Piah ka bein hu rilo baoh siam, mekre, darak pasar tani tanat, urang pala njauk buh tabiak meng 300-500 triệu đồng ka tal sa tỷ đồng. Phun jien nan piah ngak jalan pruh ia tự động, blei pajaih, ngak mejam, ngak jalan ngin lahei… ka 1.000 m2 sang lưới. Tui urang pala , meyah phun jien takik ye kan pala hu dưa lưới. Lingiu di phun jien buh tabiak tuk camereip ka pajaih, ka sang lưới saong pah urang ngak, ye urang pala brei thau ilamu kỹ thuật saong jalan glang iek tani tanat.

Sa-ai Nguyễn Như Ngọc lac sa dalam dom sang pala dưa lưới dahlau abih di Dầu Tiếng. Sa-ai ruah dưa lưới hột cam saong pala dalam sang lưới praong 6.000 m2.

Dưa hột cam pajaih F1 Đài Loan tabiak baoh nde gauk, mekre, pahe, yamen, mbang mboh racam, hu darak pasar takre blei. Pala iek mboh hu kein laba, po bein pala tagok 2 ha. Baoh yaok vụ hu tal 35 tấn sa ha. Sa-ai brei thau, pala dưa lưới brei thau rilo ilamu kỹ thuật glang iek.

# Piah ka dưa tamuh siam, dahlau di tuk pala njauk ngak taneh ka nyu siam, mbaok ro njauk lang blah bạt piah pacang hareik tamuh, khik ẩm atau buh jien ngak giá thể. Lingiu di duk côn trùng, phun meda tamuh tagok brei hu caga bimao, bruk gha, thu hala. Tuk phun tamuh praong, urang pala njauk tui iek piah cuốn dây, cakak dhar, cakak hala piah phun hu pren raong baoh.

Tuk phun tabiak bingu, urang pala brei pah menuac piah thụ phấn ka phun tabiak baoh rilo. Tukvak phun tabiak baoh, brei cakak dhar, tok khik veik sa baoh yaok phun piah khik ka baoh praong, siam. 

Sa-ai Như Ngọc brei thau, dưa lưới pandiak rilo mbuan ra-ai kanduh, gaok hajan mbuan bruk, yaom lac hu tual tagok min baoh jeng sanam sa gah, oh daok mekre. Lingiu di nan, kayua hu rilo janih côn trùng mbang baoh, nan ye sa-ai Cúc njauk pandar bẫy saong jru khik caga phun pala dalam sa bilan dahlau di tuk paik baoh.

Tui yaok janih pajaih bo baoh nyu tuk paik trak meng 1 kí meteh  tal 1 kí 700 gram atau meng 3 kí 2, tal 3 kí meteh. Yaom pablei tani tanat meng 30.000-35.000 đồng sa kg, ba jien tame ka urang pala biak rilo./.