Bruk cakrok saong patagok  

Măng tây nan lac phun pala lavik thun, pala hu di bhum taneran saong bhum ceik, nhiệt độ laghaih ka phun măng patagok meng 15-30^oC, diuk hu meng 25-30 thun, phun pala meda brei thu hoạch dui atah meng 6–8 thun, gaok mai tagok tal 10–15 thun meyah mong iek siam. Angaok dunya hu rilo janih măng tây karei di gauk yau: Măng tây tím, măng tây mbong saong măng tây hijao. Măng tây nan lac janih phun takre aia harei, samar lagaih haong taneh pala. Taneh pala măng tây njauk hu độ phì glaong, pachroh, hu rilo mùn saong độ pH từ 6–7 nan lac siam di abih. Hadei di 2-3 bilan pabam pajaih saong 4-6 bilan pala ye phun hu brei thu hoạch, năng suất hu meng 8-10kg/1.000m² sa harei (năng suất nyu tagok tui thun bilan), tukvak brei thu hoạch jaik 8 bilan dalam sa thun.

Ilamu pala saong mong iek

Jalan pabam pajaih: Asal pajaih hadei di tuk mek tabiak hu ba nao pambu pandiak dalam jaik 4h, hadei di nan pambu dalam aia la-ar hu srau haong khak sinh học WEHG dalam 10h blaoh mek tabiak ủ, pandap piah ủ hu: ala di abih tuh sa tal bhau tapal 1cm, mek sa blah halam njuan jhuk gum tagok, blaoh tuh sa tal bhau kam tapal 1cm tagok angaok halam njuan blaoh proi asal tagok angaok tal bhau nan, hadei di nan tuh sa tal bhau kam  tapal 1cm tagok tal asal, mek ao thun metham tagok, yaok harei pruh ia dua mbang tuk page saong biar harei, asal pabam di labik halui mát nhiệt độ meng 25-28^oC. 5 harei hadeidi tuk pabam njauk pasang iek saong mek abih dom asal pacah meta buh tame bịch pabam buh takik bhau kam tame.

Bịch pabam meng nilong jhuk hu kích thước 15 x 20cm, haluk buh tame bịch hu taneh hacih srau cuah, bhau kam, khak hữu cơ hoai mục, yaok harei pruh aia ka nyu ginup ẩm mong iek ka phun tamuh siam tal tuk njauk haong tiêu chuẩn ye ba tabiak pala (tuk pala, phun glaong meng 25-30cm hadei di jaik 3 bilan pabam, hu 1-2 dhal khang, oh njauk halak halin ruak kik,  gha ginup di nyu hu takik di abih meng 9 rak tagok).

Palih ruah, ngak taneh pala: Măng tây laghaih haong dom janih taneh haluk bhong bazan, taneh haluk phù sa, taneh haluk xám, taneh haluk meluk hasit cuah, taneh haluk pachoh, hu rilo chất hữu cơ, tathuak aia siam, tal pala tapal 40-50cm, độ ẩm meng 65-70%, độ PH 6-7 oh njaom lakhul, oh njauk aia dauk dalam bilan hajan, caga hu aia pruh dalam bilan thu. Taneh li-ua kỹ, pruh jru pametai anek ruak, ngak taneh ka nyu tapak mbaok, pok ro prong 100cm, glaong 30cm, pambu pandiak meng 25-30 harei dahlau di tuk pala.

Thời vụ: Nhiệt độ lagaih ka phun măng tây tamuh siam meng 15-30^oC, kayua yau nan ye meda pala hu 2 vụ dalam thun nan lac: pabam di puac bilan 8 tal akaok bilan 9 piah pala di bilan 2, bilan 3 saong pabam di puac bilan 2 tal bilan 4 piah pala meng bilan 4 tal bilan 6 saka aia harei.

Mikva saong taong abih gauk bahrau pang khaol dahlak khan brei thau ka ilamu kỹ thuật pala măng tây. Dalam kadha ini harei but adit hadei ( 20-3), khaol dahlak hu khan brei thau ka ilamu kỹ thuật mong iek măng tây- janih phun pala hu daong ka rilo urang nong di Ninh Thuận ngak meda. Daa mikva saong taong abih gauk caik hatai tui pang.