Ratak cô ve lac janih phun mbuan pala, kein laba glaong. Urak ini  angaok darak pasar hu rilo pajaih ratak cô ve blei meng negar langiu, brei chất lượng baoh siam. Kadha urang ngak hamu caong thau adit ini, daa mikva saong taong abih gauk tui pang chuyên gia ngak nong tacei pato jalan pala saong mong iek phun ratak cô ve:

– Jalan pala:  Dom lubang angaok talei atah di gauk 20-25cm, yaok lubang caik 2-3 phun. Asal pajaih lac 40-60 kg/ha, trun asar pajaih bloh lam nyu  meng haluk klik.

– Ngak hareik, pruh aia saong dom jalan ngak karei:

# pandar aia bingun cao, aia mac, aia di kraong di craoh akaok halau piah pruh, juai pandar aia dalam danao, aia njaom mbak dom janih vi sinh vật kanjah jhak.

# Pruh rilo aia tuk phun ratak tabiak rilo bingu, njauk pruh aia ka nyu njom tame kayua lac tuk ini phun cak rok khang, hala nerak prong, caong khin hu rilo aia. Kurang aia phun cakrok patagok oh siam, baoh sit, samar taha rilo xơ, trun năng suất saong phẩm chất baoh that. Tuk buh khak pachreih, pruh aia ginup gap ka khak nyu ralai.

# Bilan pandiak, pruh aia tuk van page mesup atau biar harei la-an 2 mbang sa harei  khik ẩm độ taneh 70-75%. Bilan hajan pruh aia sa mbang sa harei atau oh pruh, meyah hu hajan prong ngak parah haluk tagok jhung tagok hala ye njauk pruh aia rao ka nyu hacih. Ngak jalan sit tathuak aia plaih ka nyu dauk.

# Ngak hareik: Ngak hacih hareik angaok ro saong vin tom dhal phun, ngak hareik dahlau di tuk buh khak pambuak pagam haong bruk ngak pachoh taneh thoáng khí.

# Ngak mejam: tuk phun nyu sro ye drei ngak mejam ka nyu. Gai ngak mejam atah 2,5-3m, meda pandar phun sậy taha piah ngak mejam, rup phun ratak atah labaih 3m. Hu dom labik, urang nong pandar hala la-u piah ngak mejam, ngak mejam hình chữ X, pak hala la-u veik haong gauk. Mejam ini meda pandar hu 2-3 mùa, dom phun piah ngak mejam lac meng 40.000 – 50.000 phun/ha. Pandar halam - njual piah salih ka mejam ngak meng gai./.