# Urak ini, hu dom pajaih pabe hu raong rilo piah mek ia tasau nan lac:

Pabe Bách thảo: lac pajaih pabe ia tasau saong pajaih pabe gam brei ia tasau, gam piah ngak ralo, hu raong rilo di dopm tỉnh Ninh Thuận saong Bình Thuận. Yaok drei pabe Bách thảo meda brei ia tasau meng 1,1 tal 1,4 kilo yaok harei, saong tuk vak brei ia tasau meng148 tal 150 harei. Pabe bách thảo meda raong palao di labik karei di gauk min raong jeng hu siam mekre yau gauk.

# Pabe Jămnapari: lac pajaih pabe ia tasau di Ân Độ hu ba tame negar drei meng thun 1994, yaok drei meda brei ia tasau  meng 1,4 tal 1,6 lít dalam sa harei, saong tukvak brei ia tasau meng 180 tal 185 harei. Pabe mbuan mbang saong raong hu di labik langik bhang pandiak.

#Pabe Anpin: Taduan mai meng pajaih pabe  ia tasau danei angan di Pháp. Brei rilo ia tasau, sa harei hu meng 2 tal 2,5 lít tui yaok drei pabe. Kuhria rah tapa ia tasau hu meng 900 tal 1.000 lít dalam sa chu kỳ meng 240 tal 250 harei.

# Pabe Sanen: Jeng lac pajaih pabe raong mek ia tasau di Thụy Sĩ, hu raong rilo di Pháp saong dom taneh ia châu Âu. Pabe Sanen meda brei ia tasau rilo meng 1.000 tal 1.200 kilo ia tasau dalam tukvak meng 290 tal 300 harei.

# Langiu dom pajaih pabe angaok nan, dom drei pabe hlai meng pabe Ân Độ, Pháp, Thụy Sĩ  haong pabe palei saong pabe bách thảo jeng brei ia tasau rilo jang pabe palei meng 25 tal 30%,  raong hu di ralo labik karei di gauk dalam taneh ia drei.

# Ilamu ky thuat palih ruah pabe raong mek ia tasau:

Akok saong rup: Akok praong atah, thei tambok, takoi atah mbiah, rup pabe praong ndak, tada dalam saong atah, ka-ing tapak, tung praong mbiah, dua gah ka-ing praong mbleing hasit, kalik lamin, bilau jangaih njuac njaic, bộ phận sinh dục praong bak.

-4 takai: 2 takai anak tapak, dang kajap, ka-ing dang tapak, dom khớp takai oh kapal.

# Tasau: Tasau praong, taong tasau atah meng 4 tal 6 cm. Tasau gam khang saong hatung gah anak, moang tui gah likuh mboh tasau vil praong, bilau tasau daku lamin dak siam. Palih ruah pabe hu tasau kalik, juai palih ruah pabe tasau hu rilo ralo./.